Shubman Gill બન્યા સૌથી મોંઘા યુવા બ્રાન્ડ એમ્બેસેડર ! એક એડ માટે વસૂલે છે કરોડો
ભારતીય ક્રિકેટના યુવા સ્ટાર Shubman Gill માત્ર મેદાન પર જ નહીં પરંતુ બ્રાન્ડની દુનિયામાં પણ ધમાકેદાર પ્રદર્શન કરી રહ્યા છે. છેલ્લા કેટલાક વર્ષોમાં તેમના સતત સારા પ્રદર્શન અને વધતી લોકપ્રિયતાને કારણે તેઓ દેશના સૌથી મોંઘા યુવા બ્રાન્ડ એમ્બેસેડર તરીકે ઉભર્યા છે.
રિપોર્ટ્સ મુજબ, શુભમન ગિલ એક બ્રાન્ડ એન્ડોર્સમેન્ટ માટે દર વર્ષે લગભગ ₹4 કરોડથી ₹8 કરોડ સુધી ચાર્જ કરે છે. ખાસ વાત એ છે કે 2024-25 દરમિયાન તેમની બ્રાન્ડ વેલ્યુમાં 25%થી 50% સુધીનો વધારો નોંધાયો છે. આ વૃદ્ધિ તેમની મેદાન પરની સફળતા અને યુવા ફેન્સમાં વધતી લોકપ્રિયતાને કારણે થઈ છે.
ગિલ હાલમાં ઘણા મોટા અને જાણીતા બ્રાન્ડ્સ સાથે જોડાયેલા છે. તેમાં MRF, Coca-Cola, Oakley, Casio અને Bisleri જેવા ટોપ બ્રાન્ડ્સનો સમાવેશ થાય છે.
માહિતી મુજબ, 2024-25 સુધી ગિલે લગભગ 16થી વધુ બ્રાન્ડ્સ સાથે કરાર કર્યા છે. આ તમામ ડીલ્સમાંથી તેમની કુલ વાર્ષિક આવક અંદાજે ₹30 કરોડથી ₹40 કરોડ સુધી પહોંચી ગઈ છે.
આજના સમયમાં બ્રાન્ડ્સ એવા સેલિબ્રિટીઝને પસંદ કરે છે, જેઓ યુવા પેઢી સાથે જોડાઈ શકે અને સોશિયલ મીડિયા પર મજબૂત હાજરી ધરાવે છે.
શુભમન ગિલ આ તમામ માપદંડોને પૂરા પાડે છે. તેમની સ્ટાઇલ, ફિટનેસ અને કન્સિસ્ટન્ટ પરફોર્મન્સ તેમને બ્રાન્ડ્સ માટે એક પરફેક્ટ ચોઇસ બનાવે છે.
ક્રિકેટમાં તેમના વધતા પ્રભાવ અને માર્કેટ વેલ્યુને જોતા આવનારા સમયમાં તેમની બ્રાન્ડ ફી અને કમાણીમાં વધુ વધારો થવાની શક્યતા છે. ગિલ હવે માત્ર ક્રિકેટર નથી રહ્યા, પરંતુ એક મજબૂત બ્રાન્ડ એમ્બેસેડર બની ગયા છે.
