Captain Shubman Gill : પાંચ મોટા કારણ, જાણો શુભમન ગિલને જ ટેસ્ટ ટીમની કેપ્ટનશીપ કેમ આપવામાં આવી
રોહિત શર્માના ટેસ્ટ ક્રિકેટમાંથી નિવૃત્તિ બાદ, ટીમ ઈન્ડિયાને શુભમન ગિલના રૂપમાં એક નવો કેપ્ટન મળ્યો છે. 25 વર્ષીય ઓપનિંગ બેટ્સમેનને IPLમાં તેના સારા પ્રદર્શન અને ઉત્તમ કેપ્ટનશીપનું ફળ મળ્યું છે, પરંતુ હવે તેની ખરી કસોટી ઇંગ્લેન્ડના પ્રવાસ પર થશે.
શુભમન ગિલની ફિટનેસ ખૂબ સારી છે. એટલા માટે તે દરેક મેચમાં પ્રોપર પસંદગી છે. ભાગ્યે જ એવું બને છે કે તે ઈજાને કારણે કોઈ શ્રેણીમાં ન રમી રહ્યો હોય. વિરાટ કોહલીની જેમ, તે પોતાની ફિટનેસ પર ખૂબ ધ્યાન આપે છે. આ જ કારણ છે કે તેમને ટીમની કમાન સોંપવામાં આવી હતી, કારણ કે ફાસ્ટ બોલર જસપ્રીત બુમરાહ ફિટનેસને કારણે ઇંગ્લેન્ડ પ્રવાસ પર બધી મેચ રમી શકશે નહીં.
વિરાટ કોહલી ટેસ્ટ ક્રિકેટમાં ચોથા નંબરે બેટિંગ કરતો હતો. હવે શુભમન ગિલ તે નંબર પર બેટિંગ કરીને વિરાટ કોહલીની ખાલી જગ્યા ભરી શકે છે. ગિલ આ ફોર્મેટમાં ત્રીજા નંબરે રમે છે, પરંતુ તે આ નંબર પર સારું પ્રદર્શન કરી શકતો નથી.
ભૂતપૂર્વ ક્રિકેટરો પણ માને છે કે ગિલે નંબર 4 પર બેટિંગ કરવી જોઈએ, કારણ કે તેની ટેકનિક ખૂબ સારી છે. ગિલે અત્યાર સુધીમાં 32 ટેસ્ટ મેચ રમી છે. જેમાં તેણે 59 ઇનિંગ્સમાં 35.05 ની સરેરાશથી 1893 રન બનાવ્યા છે. જેમાં 5 સદી અને 7 અડધી સદીનો સમાવેશ થાય છે. ગિલ ઇંગ્લેન્ડ પ્રવાસમાં સારું પ્રદર્શન કરે તેવી અપેક્ષા છે.
શુભમન ગિલને ટેસ્ટ ટીમનો કેપ્ટન બનાવવામાં કોચ ગૌતમ ગંભીરનો મોટો હાથ છે. ગૌતમ ગંભીર પોતે નવા કોચ છે, તેથી તે એક યુવા ટેસ્ટ ટીમ બનાવવા માંગે છે. તેથી કેપ્ટન તરીકે ગિલ તેમની પહેલી પસંદગી હતી.
Published On - 5:40 pm, Sat, 24 May 25
