Breaking News : IND vs NAM વચ્ચેની T20 વર્લ્ડ કપ મેચમાં બીજી ઓવરના છેલ્લા બોલે સંજુ સેમસને કરી ભૂલ, 6,6,6,4… અને પછી થઈ ગયો ખેલ, જુઓ
સંજુ સેમસને નામિબિયા સામે T20 વર્લ્ડ કપમાં આક્રમક ડેબ્યૂ કર્યું, છતાં ૨૨ રન બનાવી ખરાબ શોટથી વિકેટ ગુમાવી. અભિષેક શર્માની ગેરહાજરીમાં મળેલી સુવર્ણ તકનો તે પૂરો લાભ ન ઉઠાવી શક્યો.
6, 6, 6, 4… શાનદાર શરૂઆત છતાં સંજુ સેમસન પોતાની ઇનિંગને મોટી બનાવી શક્યો નહીં. ભારત વિરુદ્ધ નામિબિયા મેચમાં તેણે આક્રમક અંદાજમાં બેટિંગ શરૂ કરી, પરંતુ એક ખરાબ શોટના કારણે ૨૨ રનમાં વિકેટ ગુમાવી બેઠો. શરૂઆત મળ્યા બાદ પણ ઇનિંગ આગળ ન લઈ જઈ શકવો સેમસન માટે નિરાશાજનક રહ્યો.
T20 વર્લ્ડ કપ 2026માં Abhishek Sharma બીમાર પડતાં સંજુ સેમસનને પ્લેઇંગ ઇલેવનમાં સ્થાન મળ્યું. નામિબિયા સામે આ સેમસન માટે સુવર્ણ તક હતી, પરંતુ તે તેનો પૂરતો લાભ લઈ શક્યો નહીં. તેણે માત્ર ૨૨ રન બનાવ્યા અને આઉટ થયો.
સંજુ સેમસને ચોથા બોલ પર છગ્ગા સાથે ખાતું ખોલ્યું. ત્યારબાદ બીજી ઓવરમાં ફાસ્ટ બોલર બેન શિકોન્કો સામે બે છગ્ગા અને એક ચોગ્ગો ફટકાર્યો. તેના બધા રન બાઉન્ડ્રીમાંથી આવ્યા, જેના કારણે શરૂઆત ઘણી આશાસ્પદ લાગી.
એ જ ઓવરના પાંચમા બોલે સેમસને અધમ શોટ રમ્યો. બોલ બેટના મધ્યમાં લાગ્યો, પરંતુ તેમાં શક્તિનો અભાવ રહ્યો. પરિણામે મિડ-વિકેટ પર ઉભેલા ફિલ્ડરે સરળ કેચ પકડી લીધો અને સેમસન પેવેલિયન પરત ફર્યો.
નામિબિયા સામેની મેચ સંજુ સેમસન માટે ખાસ હતી, કારણ કે આ તેનો પહેલો T20 વર્લ્ડ કપ દેખાવ હતો. અગાઉના વર્લ્ડ કપમાં તે ટીમનો ભાગ રહ્યો હતો, પરંતુ પ્લેઇંગ ઇલેવનમાં તક મળી નહોતી. સેમસને 31 વર્ષ અને 93 દિવસની ઉંમરે T20 વર્લ્ડ કપમાં ડેબ્યૂ કર્યું. તે આ ટૂર્નામેન્ટમાં ડેબ્યૂ કરનાર સૌથી મોટી ઉંમરના બેટ્સમેન છે. આ બાબતમાં અગાઉનો રેકોર્ડ અમિત મિશ્રાના નામે હતો.
15 ફેબ્રુઆરીએ પાકિસ્તાન સામેની મેચમાં સંજુ સેમસનને ફરી એક તક મળી શકે છે. અભિષેક શર્માની તબિયત હજુ સંપૂર્ણ રીતે સુધરી નથી. નામિબિયા સામે ટોસ સમયે Suryakumar Yadav એ જણાવ્યું હતું કે અભિષેક હજી ફિટ નથી અને આગામી મેચ પણ ચૂકી શકે છે. આવી સ્થિતિમાં સેમસન માટે પોતાને સાબિત કરવાની વધુ એક તક બની શકે છે.(All Image - BCCI)
