ESPNcricinfo એવોર્ડ્સ 2023 મેન્સ ટેસ્ટ બોલિંગ નોમિનીઝમાં જામનગરના ખેલાડીનું નામ સામેલ
પુરૂષ બેસ્ટ ટેસ્ટ બોલિંગ પ્રદર્શનની વાત કરીએ તો 2007 માં ભારતના પૂર્વ ખેલાડી ઝાહિર ખાનને આ એવોર્ડ મળ્યો હતો. ત્યારબાદ 2018માં ઓસ્ટ્રેલિયા વિરુદ્ધ રમાયેલી મેચના પ્રદર્શનને લઈ અમદાવાદના જસપ્રીત બુમરાહને આ એવોર્ડ મળ્યો હતો.
ESPNcricinfo એવોર્ડ્સ 2023 એવોર્ડ શ્રેષ્ઠ પ્રદર્શન કરનાર ખેલાડીઓને આપવામાં આવે છે. જેમાં બેસ્ટ બોલિગ, બેટિંગ , ટી 20 , વનડે અને ટેસ્ટના શ્રેષ્ઠ પ્રદર્શન કરનાર ખેલાડીઓને આપવામાં આવે છે,
ESPNcricinfo એવોર્ડ્સ 2023 મેન્સ ટેસ્ટ બોલિંગ નોમિનીઝમાં ભારતીય ખેલાડીઓ સહિત નીલ વેગનર, નાથન, કાગિસા રબાડા અને પેટ કમિન્સનું નામ પણ સામેલ છે. આ ખેલાડીઓને પણ તેના શાનદાર પ્રદર્શનના કારણે નોમિનીઝમાં સામેલ કરવામાં આવ્યા છે.
જાડેજાના 42 રનમાં 7 વિકેટ તેની કારકિર્દીની સર્વશ્રેષ્ઠ ટેસ્ટ પ્રદર્શન રહ્યું, ખેલાડીએ 2016માં ઈંગ્લેન્ડ વિરુદ્ધ 48 રનમાં 7 વિકેટ લીધી હતી. હવે આ વખતે આ ખાસ એવોર્ડસમાં રવિન્દ્ર જાડેજાનું નામ સામેલ છે.
ઓસ્ટ્રેલિયાએ બીજી ઇનિંગ્સમાં 1 વિકેટે 65 રન બનાવ્યા. જાડેજાએ ઉસ્માન ખ્વાજાને આઉટ કર્યો પરંતુ તેની પ્રથમ સાત ઓવરમાં 36 રન આપ્યા. પછી તેણે માત્ર પાંચ ઓવરમાં 6 વિકેટે 6 રન આપીને ભારતની જીત નક્કી કરી.
ESPNcricinfo એવોર્ડ્સ વર્ષમાં શાનદાર પ્રદર્શનને લઈ નક્કી કરવામાં આવે છે. આ એવોર્ડની શરુઆતમાં પ્રથમ એવોર્ડ ભારતના પૂર્વ બોલર ઝાહિર ખાનને ઈંગ્લેન્ડ વિરુદ્ધ કરેલા શ્રેષ્ઠ પ્રદર્શનના કારણે મળ્યો હતો. ત્યારબાદ જસપ્રીત બુમરાહને ઓસ્ટ્રેલિયા વિરુદ્ધ પ્રદર્શનના કારણે 2018માં આ એવોર્ડ મળી ચૂકયો છે. ત્યારે આ વર્ષ ક્યા બોલરને આ એવોર્ડ મળશે તે જોવાનું રહેશે.
