Breaking News : સંન્યાસ લેતા જ કેપ્ટન બન્યો IPLનો આ ધુરંધર ખેલાડી, ફાઈનલમાં 13 સિક્સ ફટકારી બનાવ્યા હતા 137 રન
સંન્યાસ લેવાના નિર્ણયના થોડા જ કલાકોમાં આઈપીએલના ધુરંધર ખેલાડીને કેપ્ટન બનાવવામાં આવ્યો છે. આ એજ ખેલાડી છે. જેમણે ફાઈનલમાં 55 બોલમાં 137 રન બનાવ્યા હતા. જેમાં 13 સિક્સ પણ સામેલ છે.
નિકોલસ પૂરને છેલ્લા 2 સીઝનમાં MI ન્યૂ યોર્ક માટે ખેલાડી તરીકે 15 મેચ રમી છે, જેમાં તેણે 1 સદી અને 3 અડધી સદી સાથે 39 છગ્ગા અને 38 ચોગ્ગા સાથે 568 રન બનાવ્યા છે. પૂરન માટે સૌથી શાનદાર સીઝન MLC 2023 સીઝન હતી, જ્યાં તે માત્ર સૌથી વધુ રન બનાવનાર જ નહોતો પણ તેના બેટમાંથી સૌથી વધુ 34 છગ્ગા પણ ફટકાર્યા હતા.
નિકોલસ પૂરન પાસે MLC 2025 માં બેવડી જવાબદારીઓ રહેશે. અહીં તેણે માત્ર એક ખેલાડી તરીકે જ નહીં પરંતુ ટીમના કેપ્ટન તરીકે પણ પોતાના પ્રદર્શનથી છાપ છોડવી પડશે.
વેસ્ટ ઈન્ડિઝ ક્રિકેટના સ્ટાર ક્રિકેટર નિકોલસ પુરને ચાહકોને એક ઝટકો આપ્યો છે. તેમણે માત્ર 29 વર્ષની ઉંમરમાં ઈન્ટરનેશનલ ક્રિકેટમાંથી સંન્યાસ લીધો છે. આ સમાચાર ક્રિકેટ જગતમાં એક મોટો ઝટકો છે. કારણ કે, મોર્ડન ક્રિકેટના સૌથી વિસ્ફોટક બેટ્સમેનોમાંના એક ગણવામાં આવે છે.
, IPL 2025 માં, લખનૌ સુપર જાયન્ટ્સે તેને 21 કરોડ રૂપિયાની મોટી રકમમાં રિટેન કર્યો હતો.
