પૂર્વ ભારતીય ક્રિકેટરનું ઓસ્ટ્રેલિયન દિગ્ગજ ખેલાડીની પુત્રી સાથે અફેર? ફોટો થયા વાયરલ
પૂર્વ ભારતીય ક્રિકેટર મુરલી વિજયનું એક ફોટો સોશિયલ મીડિયા પર ખુબ વાયરલ થઈ રહ્યો છે. આ ફોટોમાં વિજય પૂર્વ ઓસ્ટ્રેલિયાના ખેલાડીની દીકરી સાથે જોવા મળી રહ્યો છે.મુરલી વિજય અને ગ્રેસ હેડન બંન્નેએ હજુ આ સંબંધોને લઈ કાંઈ કન્ફોર્મ કર્યું નથી.
ભારતીય ક્રિકેટ ટીમના પૂર્વ ખેલાડી મુરલી વિજય ફરી એક વખત ચર્ચામાં આવ્યા છે. વિજયનો એક ફોટો સોશિયલ મીડિયા પર ખુબ વાયરલ થઈ રહ્યો છે. જેમાં ઓસ્ટ્રેલિયાના ક્રિકેટ દિગ્ગજ ખેલાડીની દીકરી સાથે ડિનર કરી રહ્યો છે.
સોશિયલ મીડિયા પર વાયરલ થઈ રહેલા ફોટોમાં દાવો કરવામાં આવી રહ્યો છે કે, મુરલી વિજયની સાથે ઓસ્ટ્રેલિયાના પૂર્વ ક્રિકેટ ખેલાડી મૈથ્યૂ હેડનની દીકરી ગ્રેસ હેડન છે.
મુરલી વિજયની ગ્રેસ હેડન સાથે વાયરલ થઈ રહેલા ફોટોએ સોશિયલ મીડિયા પર ચર્ચા જગાવી છે. આ ફોટો સામે આવતા બંન્નેના રિલેશનશિપની ચર્ચાઓ પણ તેજ થઈ છે. મુરલી વિજય અને ગ્રેસ હેડન બંન્નેએ હજુ આ સંબંધોને લઈ કાંઈ કન્ફોર્મ કર્યું નથી. મુરલી વિજયે 2 વર્ષ પહેલા ક્રિકેટના તમામ ફોર્મેટમાંથી સંન્યાસ લીધો હતો.
મુરલી વિજય ત્યારે ચર્ચામાં આવ્યો હતો. જ્યારે પૂર્વ ભારતીય ક્રિકેટર દિનેશ કાર્તિકની એક્સ વાઈફ નીકિતા સાથે સંબંધની ચર્ચાઓ થઈ હતી. નિકિતા અને દિનેશ કાર્તિકના લગ્ન 2007માં થયા હતા પરંતુ 2012માં છુટાછેડા થયા હતા. 2012માં મુરલી વિજય અને નિકિતાએ લગ્ન કર્યા હતા
બંન્નેના લગ્નને હવે 13 વર્ષ થઈ ચૂક્યા છે. નિકિતાએ સોશિયલ મીડિયા પર પતિ મુરલી વિજય સાથે ફોટો અપલોડ કરતી રહે છે. વિજયના ગ્રેસ હેડન સાથે ફોટો વાયરલ થયા બાદ તેમની પત્ની નિકિતા વિજયનું કોઈ રિએક્શન હજુ સામે આવ્યું નથી.
ગ્રેસ હેડન ઓસ્ટ્રેલિયન ક્રિકેટર મેથ્યુ હેડનની પુત્રી છે. હેડનની પુત્રી ગ્રેસ સ્પોર્ટ્સ પ્રેઝન્ટર તરીકે કામ કરે છે. ગ્રેસ તેની સુંદરતાને કારણે ખૂબ જ ચર્ચામાં રહે છે. તે વર્લ્ડ કપ 2023 દરમિયાન ચર્ચામાં આવી હતી.
