મોહમ્મદ શમીને ટીમમાં સ્થાન મળ્યું, સ્ટાર ફાસ્ટ બોલરની IPL 2025 પછી પહેલીવાર થઈ પસંદગી
મોહમ્મદ શમીએ થોડા મહિના પહેલા ટીમ ઈન્ડિયાને ચેમ્પિયન્સ ટ્રોફી 2025 જીતવામાં મહત્વપૂર્ણ ભૂમિકા ભજવી હતી. પરંતુ આ પછી, ખરાબ ફોર્મ અને ફિટનેસને કારણે, તે ઈંગ્લેન્ડ પ્રવાસ માટે ટીમમાં સ્થાન મેળવી શક્યો નહીં. હવે ફરી તેણે ટીમમાં સ્થાન મળ્યું છે અને IPL પછી પહેલીવાર તે મેદાનમાં રમતો જોવા મળશે.
મોહમ્મદ શમી છેલ્લા કેટલાક સમયથી મેદાનની બહારની પ્રવૃત્તિઓને કારણે સમાચારમાં છે. તે તેની પત્ની હસીન જહાં સાથેના કોર્ટ કેસને કારણે ચર્ચામાં આવ્યો હતો. આ બધા વચ્ચે, તે ક્રિકેટથી પણ દૂર રહી રહ્યો છે.
ઈજાને કારણે લાંબા સમય સુધી બહાર રહેલા શમીએ ટીમ ઈન્ડિયામાં વાપસી કરી અને ચેમ્પિયન્સ ટ્રોફી 2025માં ટીમ ઈન્ડિયાની જીતમાં મહત્વપૂર્ણ ભૂમિકા ભજવી હતી. આ પછી, તે IPL 2025માં ફક્ત સનરાઈઝર્સ હૈદરાબાદ માટે રમતો જોવા મળ્યો હતો.
પરંતુ ખરાબ ફોર્મ અને ઓછી ફિટનેસને કારણે શમીને ઈંગ્લેન્ડ પ્રવાસ માટે ટીમ ઈન્ડિયામાં પસંદ કરવામાં આવ્યો ન હતો. પરંતુ હવે આ અનુભવી ઝડપી બોલર સાથે સંબંધિત એક મોટા સમાચાર આવ્યા છે.
બંગાળ ક્રિકેટ એસોસિએશન દ્વારા આગામી સ્થાનિક સિઝન માટે શમીનો ટીમમાં સમાવેશ કરવામાં આવ્યો છે. શમીને 50 સભ્યોની સંભવિત ટીમમાં સ્થાન મળ્યું છે. અંતિમ ટીમની પસંદગી સિઝનની શરૂઆતની નજીક કરવામાં આવશે.
થોડા મહિના પહેલા BCCIના આદેશ બાદ, જરૂર પડ્યે તમામ ખેલાડીઓને સ્થાનિક ક્રિકેટ રમવા માટે પણ કહેવામાં આવ્યું છે. આવી સ્થિતિમાં, શમીની પસંદગી આશ્ચર્યજનક નથી.
શમી દુલીપ ટ્રોફીમાં ઈસ્ટ ઝોન તરફથી પણ રમી શકે છે, જે 28 ઓગસ્ટથી શરૂ થવાની છે. ઓગસ્ટ મહિનામાં ભારત-શ્રીલંકા વચ્ચે ODI શ્રેણીમાં પણ શમીની પસંદગી થઈ શકે છે. એકંદરે, આગામી દિવસોમાં શમી ફરી મેદાનમાં વાપસી કરશે. (All Photo Credit : PTI)
