અર્શદીપ સિંહે અમેરિકા વિરુદ્ધ પહેલા જ બોલમાં વિકેટ લઈ મોટો રેકોર્ડ પોતાને નામ કર્યો છે. અર્શદીપ સિંહે પહેલી જ ઓવરમાં 2 વિકેટ લીધી છે. ટી20 વર્લ્ડકપ 2024માં ફાસ્ટ બોલર અર્શદીપ સિંહનું પ્રદર્શન શાનદાર રહ્યું છે.
અમેરિકા અને ભારત વચ્ચે રમાયેલી મેચમાં ભારતીય ટીમના બોલરે મોટો રેકોર્ડ પોતાને નામ કર્યો છે. અર્શદીપ સિંહ પહેલો ભારતીય ક્રિકેટર છે, જેમણે ટી20 ઈન્ટરનેશનલ મેચમાં પહેલા જ બોલમાં વિકેટ લીધી હતી.
તો આજે આપણે જાણીએ કે, અર્શદીપ પાસે કેટલી સંપત્તિ છે. ઘરેલું ક્રિકેટમાં પંજાબ તરફથી રમે છે.નવા બોલ અને ડેથ ઓવરમાં મહત્વની ભુમિકા નિભાવે છે. આઈપીએલમાં પંજાબ કિંગ્સ ટીમમાંથી રમે છે.
અર્શદીપ સિંહનો જન્મ મધ્યપ્રદેશના ગુનામાં થયો છે. અર્શદીપ સિંહ 2018માં અંડર-19 વર્લ્ડકપ જીતનાર ટીમનો ભાગ હતો. તેમને સીકે નાયડુ ટ્રોફીમાં પંજાબ અંડર-23 ટીમ માટે પણ રમી ચુક્યો છે. 2019માં આઈપીએલ માટે ઓક્શનમાં પંજાબ કિંગ્સે ખરીદ્યો હતો.
7 જુલાઈ 2022ના રોજ અર્શદીપ સિંહે સાઉથેમ્પટનમાં ઈંગ્લેન્ડ વિરુદ્ધ ટી20 ડેબ્યુ કર્યું હતુ. તેમણે એશિયા કપ અને ટી20 વર્લ્ડકપ માટે પણ પસંદગી થઈ હતી. 2022માં ટી20 વર્લ્ડકપમાં ટીમ ઈન્ડિયા માટે સૌથી વધારે વિકેટ લેનાર બોલર હતો.
અર્શદીપની સંપત્તિ વિશે વાત કરીએ તો અંદાજે 10 કરોડ રુપિયા છે. તેની કમાણી આંતરરાષ્ટ્રીય મેચ, આઈપીએલ મેચ, જાહેરાતમાંથી થાય છે.આઈપીએલ 2019માં ઓક્શનમાં પંજાબ કિંગ્સે 20 લાખ રુપિયામાં ખરીદ્યો હતો. 2022માં પંજાબ કિંગ્સે 4 કરોજ સાથે કરાર કર્યો અને આઈપીએલ 2024 સીઝન સુધી તેની સેલેરી 4 કરોડ રુપિયા હતી.