IPL Auction 2026: આ ખેલાડી ફક્ત 4 મેચ રમશે, છતાં ઓક્શનમાં કરોડોમાં વેચાયો, આ ટીમનો મોટો નિર્ણય
ગયા સિઝનમાં પંજાબ કિંગ્સ તરફથી રમનાર ખેલાડી IPL 2026 મોટી કિંમતે વેચ્યો હતો. ખાસ વાત એ છે કે આ ખેલાડીએ પહેલા જ જાહેર કરી દીધું હતું કે તે IPL 2026 માં માત્ર 4 મેચ જ રમશે, તેમ છતાં આ ફ્રેન્ચાઈઝીએ તેને મોટી રકમ આપી ખરીદ્યો હતો.
ઓસ્ટ્રેલિયન વિકેટકીપર-બેટ્સમેન જોશ ઇંગ્લિસને IPL 2026 ની હરાજીમાં મોટી રકમ મળી છે. ઇંગ્લિસને લખનૌ સુપરજાયન્ટ્સે ₹8.6 કરોડમાં ખરીદ્યો હતો.
જોશ ઇંગ્લિસની પ્રતિભાને ધ્યાનમાં રાખીને આ કિંમત કદાચ ઊંચી ન હોય, પરંતુ અહીં મુખ્ય મુદ્દો એ છે કે ઓસ્ટ્રેલિયન વિકેટકીપર IPL 2026 માં ફક્ત ચાર મેચ માટે જ ઉપલબ્ધ રહેશે. તેમ છતાં, તેને આટલી ઊંચી કિંમત મળી છે.
જોશ ઇંગ્લિસ IPL 2026 દરમિયાન લગ્ન કરી રહ્યો છે. તેણે હરાજી પહેલા જ જાહેરાત કરી દીધી હતી કે તે ફક્ત ચાર મેચ રમશે. તેમ છતાં, લખનૌએ તેમના પર મોટો દાવ લગાવ્યો.
જોશ ઇંગ્લિસને ખરીદવા માટે લખનૌ અને હૈદરાબાદ વચ્ચે જોરદાર મુકાબલો થયો. હૈદરાબાદે તેના માટે 8.4 કરોડ રૂપિયા સુધીની બોલી લગાવી, પરંતુ લખનૌએ આખરે જીત મેળવી.
જોશ ઇંગ્લિસે IPL 2025માં 11 મેચમાં 30.88 ની સરેરાશથી 278 રન બનાવ્યા હતા. તેનો સ્ટ્રાઈક રેટ 160 થી વધુ હતો. તે ટોપ ઓર્ડરથી લઈને નંબર 6 સુધી ગમે ત્યાં બેટિંગ કરી શકે છે. (PC:PTI)
Published On - 10:27 pm, Tue, 16 December 25
