IPL 2026: શું Shubman Gill IPL બાદ કરશે લગ્ન? ટોસ દરમિયાન આપ્યો આવો જવાબ
IPL 2026 દરમિયાન, ટોસ સમયે શુભમન ગિલને તેના લગ્ન વિશે અણધાર્યો સવાલ પૂછવામાં આવ્યો. ગુજરાત ટાઇટન્સના કેપ્ટન ગિલે ટૂંકા શબ્દોમાં "ના, કંઈ નહીં" કહી લગ્નની અફવાઓનો ઇનકાર કર્યો.
IPL 2026નો 46મો મુકાબલો Gujarat Titans અને Punjab Kings વચ્ચે રમાઈ રહ્યો હતો. ગુજરાત ટાઇટન્સે ટોસ જીતીને પહેલા બોલિંગ કરવાનો નિર્ણય લીધો. પરંતુ મેચ શરૂ થાય તે પહેલા કેપ્ટન શુભમન ગિલને એક અચાનક અને થોડો વ્યક્તિગત પ્રશ્નનો સામનો કરવો પડ્યો.
ટોસ દરમિયાન બ્રોડકાસ્ટર Danny Morrisonએ ગિલને તેના લગ્ન વિશે પૂછ્યું. આ સવાલ ગિલ માટે થોડો અણધાર્યો હતો. થોડો સમય મૌન રહ્યાના બાદ ગિલે સરળ શબ્દોમાં જવાબ આપ્યો – “ના, કંઈ નહીં.” આટલો ટૂંકો જવાબ આપી તેણે વાતને આગળ વધારવાનું ટાળ્યું.
ગિલનો આ પ્રતિભાવ બતાવે છે કે તે હાલ પોતાના વ્યક્તિગત જીવન વિશે ચર્ચા કરવા ઇચ્છતો નથી અને સંપૂર્ણ ધ્યાન ક્રિકેટ પર જ રાખી રહ્યો છે. અગાઉ પણ IPL 2025 દરમિયાન મોરિસને આવો જ સવાલ પૂછ્યો હતો. ત્યારે પણ ગિલે સ્પષ્ટ કર્યું હતું કે તે છેલ્લા કેટલાક વર્ષોથી સિંગલ છે અને હાલમાં તેનું ધ્યાન માત્ર તેના રમતમાં સુધાર પર છે.
મેદાનની અંદર, ગિલની કેપ્ટનશીપ હેઠળ ગુજરાત ટાઇટન્સ સારું પ્રદર્શન કરી રહી છે. ટીમે અત્યાર સુધી 9માંથી 5 મેચ જીતી છે અને પ્લેઓફની રેસમાં મજબૂત સ્થિતિમાં છે. પંજાબ કિંગ્સ સામેની મેચ ટીમ માટે ખૂબ મહત્વની છે, કારણ કે આ જીત તેમને આગળ વધવામાં વધુ મદદરૂપ બની શકે છે.
આ બધાની વચ્ચે, ગિલના લગ્ન અંગેની અફવાઓ ફરી એકવાર ચર્ચામાં આવી છે. પરંતુ તેની વાત પરથી સ્પષ્ટ થાય છે કે હાલમાં તે આ મુદ્દા કરતાં ક્રિકેટને વધારે પ્રાથમિકતા આપી રહ્યો છે.
Published On - 10:28 pm, Sun, 3 May 26
