IPL 2025 : રાજસ્થાન રોયલ્સને મોટો ફટકો, RCB સામેની મેચમાં નહીં રમે કેપ્ટન સંજુ સેમસન
રાજસ્થાન રોયલ્સના નિયમિત કેપ્ટન સંજુ સેમસન રોયલ ચેલેન્જર્સ બેંગલુરુ સામેની મેચમાં રમશે નહીં. આ મેચ 24 એપ્રિલે રમાશે. રાજસ્થાનની ટીમ સંજુ સેમસન વિના બેંગલુરુ પહોંચી ગઈ છે.
IPL 2025માં રાજસ્થાન રોયલ્સ ટીમ પહેલાથી જ ખરાબ હાલતમાં છે અને હવે આ ટીમને વધુ એક મોટો ઝટકો લાગ્યો છે. ટીમનો નિયમિત કેપ્ટન સંજુ સેમસન પણ RCB સામેની આગામી મેચમાંથી બહાર થઈ ગયો છે.
સંજુ સેમસન ઈજાને કારણે લખનૌ સુપર જાયન્ટ્સ સામેની મેચ રમી શક્યો ન હતો અને તેની ટીમ રોમાંચક મેચમાં હારી ગઈ હતી. હવે સેમસનને 24 એપ્રિલે RCB સામેની મેચમાંથી બહાર કરી દેવામાં આવ્યો છે. રાજસ્થાન રોયલ્સ ટીમ મેનેજમેન્ટે માહિતી આપી હતી કે સંજુ સેમસન હાલમાં રિકવરી તબક્કામાં છે અને તે ટીમના હોમ બેઝ પર જ રહેશે.
રાજસ્થાન રોયલ્સ ટીમ બેંગલુરુ પહોંચી ગઈ છે અને સંજુ સેમસન તેમની સાથે નથી. ટીમ મેનેજમેન્ટ સંજુ સેમસનની ઈજા પર નજર રાખી રહ્યું છે અને તે સંપૂર્ણ ફિટનેસ મેળવ્યા પછી જ ટીમમાં પાછો ફરશે. મતલબ કે, RCB સામેની મેચમાં પણ રિયાન પરાગ ટીમનું નેતૃત્વ કરશે.
IPLમાં સંજુ સેમસનનું પ્રદર્શન એકંદરે સારું રહ્યું છે. આ ખેલાડી 7 મેચમાં 37.33ની સરેરાશથી ફક્ત 224 રન બનાવી શક્યો છે. તેનો સ્ટ્રાઈક રેટ 143 થી વધુ છે. તે એક અડધી સદી ફટકારવામાં સફળ રહ્યો છે.
મોટી વાત એ છે કે તેની ટીમ રાજસ્થાન રોયલ્સ પોઈન્ટ ટેબલમાં ઘણી નીચે છે. રાજસ્થાન 8 માંથી ફક્ત 2 મેચ જીતી શક્યું છે. રાજસ્થાનના ખાતામાં ચાર જીત હોઈ શકે છે પરંતુ તેણે છેલ્લી બે મેચ એવી રીતે હારી કે રાજસ્થાન પર વિશ્વાસ કરવો મુશ્કેલ છે.
આ ટીમ લખનૌ સુપર જાયન્ટ્સ સામે 2 રને મેચ હારી ગઈ. દિલ્હી સામે સુપર ઓવર રમી અને રાજસ્થાન ત્યાં હારી ગયું. હવે જો આગામી મેચમાં સંજુ સેમસન નહીં હોય તો રાજસ્થાન રોયલ્સ પર હારનો ખતરો રહેશે. રસપ્રદ વાત એ છે કે RCB પણ આ સિઝનમાં ઘરઆંગણે એક પણ મેચ જીતી શક્યું નથી. (All Photo Credit : PTI)
Published On - 9:12 pm, Mon, 21 April 25
