IPL 2024: રોહિત શર્મા છોડશે મુંબઈ ઈન્ડિયન્સનો સાથ ! ભૂતપૂર્વ ક્રિકેટરે કર્યો મહત્વનો ખુલાસો
મુંબઈ ઈન્ડિયન્સની કેપ્ટનશિપને લઈને વિવાદ હજુ પણ અટકી રહ્યો નથી. જોકે, ટીમ તરફથી કોઈ પ્રતિક્રિયા આપવામાં આવી નથી. પરંતુ દરરોજ ક્રિકેટ નિષ્ણાતો આ અંગે પોતાનો અભિપ્રાય આપી રહ્યા છે. વીરેન્દ્ર સેહવાગ, નવજોત સિંહ સિદ્ધુ અને રવિ શાસ્ત્રી સહિત ઘણા પૂર્વ ક્રિકેટરોએ આ અંગે પોતાની પ્રતિક્રિયા આપી છે. હવે ચેન્નાઈ સુપર કિંગ્સના પૂર્વ ખેલાડી અંબાતી રાયડુએ રોહિત શર્મા વિશે મોટી ભવિષ્યવાણી કરી છે.
અંબાતી રાયડુએ કહ્યું કે, મને વિશ્વાસ છે કે તે કોઈક ફ્રેન્ચાઈઝીમાં જશે જ્યાં તેની સાથે મુંબઈ કરતાં વધુ સારી રીતે વ્યવહાર કરવામાં આવશે. હવે ચાહકો અનુમાન લગાવી રહ્યા છે કે શું રોહિત ખરેખર હરાજીમાં જશે.
તમને જણાવી દઈએ કે આ પહેલા સૌરવ ગાંગુલી, વીરેન્દ્ર સેહવાગ અને નવજોત સિંહ સિદ્ધુ જેવા ભૂતપૂર્વ ભારતીય ક્રિકેટરો હાર્દિક પંડ્યાનો બચાવ કરી ચૂક્યા છે. રવિ શાસ્ત્રીએ કહ્યું કે જો MIએ સુકાનીપદમાં ફેરફાર માટે વધુ સારી રીતે વાટાઘાટો કરી હોત તો વિવાદ આટલો વધ્યો ન હોત. ઓસ્ટ્રેલિયાના દિગ્ગજ બેટ્સમેન અને વર્લ્ડ કપ વિજેતા કેપ્ટન માઈકલ ક્લાર્કે કહ્યું કે તે પણ હાર્દિક જેવી જ પરિસ્થિતિમાંથી પસાર થયો છે. તેથી જ તે માને છે કે રોહિતે ખુલ્લેઆમ હાર્દિકનો બચાવ કરવો જોઈએ. તે જ સમયે, ચાહકોનું માનવું છે કે MI મેનેજમેન્ટે રોહિતને મહેન્દ્ર સિંહ ધોનીની જેમ કેપ્ટન તરીકે રાખવો જોઈતો હતો.
Published On - 9:13 pm, Thu, 11 April 24
