3 વર્ષની ઉંમરે માતાનું નિધન, પિતાએ કર્યા બીજા લગ્ન, મુશ્કેલ સમયમાં દાદી બની સહારો, SRHના સ્ટાર ખેલાડીનો પરિવાર જુઓ
સનરાઇઝર્સ હૈદરાબાદને IPL 2026 ની પહેલી જ મેચમાં હારનો સામનો કરવો પડ્યો હશે, પરંતુ અનિકેત વર્માના રૂપમાં ટીમને એક એવો ફિનિશર મળ્યો છે જે ભવિષ્યમાં ટીમ માટે હિટ સાબિત થઈ શકે છે.
IPL 2026ની પોતાની પહેલી જ ઇનિંગમાં તેણે જે રીતે મોટા શોટ રમ્યા તે સ્પષ્ટપણે દર્શાવે છે કે તે લાંબી રેસનો ખેલાડી છે. તેની નીડર બેટિંગે હૈદરાબાદને મધ્યમ ક્રમની તાકાત આપી છે.
અનિકેત વર્માનો પરિવાર જુઓ
અનિકેત વર્માએ IPL 2026ની પહેલી જ મેચમાં RCB સામે શાનદાર ઇનિંગ રમી હતી. અનિકેતની વાર્તા સંઘર્ષોથી ભરેલી રહી છે.આજે આપણે અનિકેત વર્માના ક્રિકેટર કરિયર અને પરિવાર વિશે વાત કરીએ.
અનિકેત વર્મા ઉત્તર પ્રદેશના ઝાંસીનો એક યુવા ભારતીય ક્રિકેટર છે, જેણે IPL ૨૦૨૫માં સનરાઇઝર્સ હૈદરાબાદ (SRH) વતી રમતી વખતે પોતાની આક્રમક બેટિંગથી ધુમ મચાવી દીધી હતી.
30 લાખમાં ખરીદાયેલો અનિકેત મધ્ય પ્રદેશ માટે સ્થાનિક ક્રિકેટ રમે છે અને તે એક વિસ્ફોટક જમણા હાથનો બેટ્સમેન અને મધ્યમ-ઝડપી બોલર છે.તેણે 23 માર્ચ 2025 ના રોજ રાજસ્થાન રોયલ્સ સામે IPL ડેબ્યૂ કર્યું હતુ.
અનિકેત ઉમાશંકર વર્માનો જન્મ 5 ફેબ્રુઆરી 2002ના રોજ થયો છે. તે એક ભારતીય ક્રિકેટર છે જે ઇન્ડિયન પ્રીમિયર લીગમાં સનરાઇઝર્સ હૈદરાબાદ માટે રમે છે.
અનિકેત વર્માએ 3 ડિસેમ્બર 2024ના રોજ મધ્યપ્રદેશ માટે 2024-25 સૈયદ મુશ્તાક અલી ટ્રોફીમાં ટ્વેન્ટી20 ક્રિકેટમાં પ્રવેશ કર્યો હતો. જ્યારે તે ટી20 "પાવર-હિટર" તરીકે જાણીતો છે, તેમ છતાં વન-ડે ક્રિકેટમાં પોતાના પ્રદર્શનને કારણે તેની પ્રસિદ્ધિમાં વધારો થયો હતો.
ડિસેમ્બર 2024માં મધ્યપ્રદેશ માટે અંડર-23 વન-ડે ટુર્નામેન્ટમાં કર્ણાટક સામે 75 બોલમાં (છ ચોગ્ગા અને આઠ છગ્ગા સહિત) અણનમ 101 રન ફટકાર્યા બાદ તે ચર્ચામાં આવ્યો હતો.
સિનિયર લિસ્ટ A તે 2024 ના અંતમાં સિનિયર પ્રતિનિધિ ક્રિકેટમાં એન્ટ્રી કરી હતી.તેના T20 અને IPL ડેબ્યૂ પર ધ્યાન કેન્દ્રિત કર્યું છે, તે 2025/26 સીઝન માટે મધ્યપ્રદેશની વિજય હજારે ટ્રોફી (લિસ્ટ A)નો ભાગ રહ્યો છે.
અનિકેત વર્માની સફળતા પાછળ સંઘર્ષની લાંબી અને પીડાદાયક વાર્તા છુપાયેલી છે. જ્યારે તે માત્ર ત્રણ વર્ષનો હતો ત્યારે તેણે તેની માતા ગુમાવી દીધી. એક વર્ષ પછી, તેના પિતાના પુનર્લગ્નથી પરિવાર તૂટી ગયો. આ મુશ્કેલ સમયમાં, તેની દાદી, પાર્વતી વર્મા તેનો સહારો બની. તે અનિકેતને ભોપાલ લાવી અને ત્યાં તેનો ઉછેર કર્યો.
માતાપિતાના ટેકા વિના અને તેની દાદીના માર્ગદર્શન હેઠળ ઉછરેલા આ ખેલાડીએ હવે મેદાન પર પોતાનું વર્ચસ્વ સ્થાપિત કર્યું છે, અને સાબિત કર્યું છે કે હિંમતથી ભાગ્યની રેખાઓ પણ બદલી શકાય છે.
