ક્રિકેટર પાસે લગ્નની શોપિંગ કરવાનો પણ સમય ન હતો, આજે મુંબઈને 42મી વખત રણજી ટ્રોફી જીતાડી
અજિંક્ય મધુકર રહાણેનો જન્મ 6 જૂન 1988ના રોજ મહારાષ્ટ્રમાં થયો છે. ભારતીય ક્રિકેટર અને ભૂતપૂર્વ કેપ્ટન અને ટેસ્ટ ફોર્મેટમાં ભારતીય ટીમના ભૂતપૂર્વ વાઇસ-કેપ્ટન છે, જેઓ ભારતીય ક્રિકેટ ટીમ માટે તમામ ફોર્મેટમાં રમી ચૂક્યો છે. હાલમાં તે રણજી ટ્રોફીમાં મુંબઈનો કેપ્ટન છે અને IPLમાં ચેન્નાઈ સુપર કિંગ્સ (CSK) માટે રમે છે.
રણજી ટ્રોફીની ટાઈટલ મેચ 41 વખતની ચેમ્પિયન મુંબઈ અને બે વખતની ચેમ્પિયન વિદર્ભ વચ્ચે મુંબઈના વાનખેડે સ્ટેડિયમમાં રમાઈ રહી છે.અજિંક્ય રહાણે રણજી ટ્રોફીની ફાઈનલ મેચ રમી રહ્યો છે. ક્રિકેટર મુંબઈ ટીમનો કેપ્ટન છે. આવો છે પરિવાર
રહાણે મુખ્યત્વે ટેસ્ટ ફોર્મેટમાં મધ્યમ-ક્રમના બેટ્સમેન તરીકે અને વ્હાઈટ બોલમાં પણ રમે છે. તેમની કેપ્ટનશીપમાં ભારત માત્ર 1 મેચ હારી ગયું હતું.રહાણેએ 2007-08ની રણજી ટ્રોફી સિઝનમાં મુંબઈ માટે ફર્સ્ટ ક્લાસ ડેબ્યૂ કર્યું હતું.
તેણે ઓગસ્ટ 2011માં માન્ચેસ્ટર ખાતે ઈંગ્લેન્ડ સામે T20Iમાં આંતરરાષ્ટ્રીય ક્રિકેટમાં ડેબ્યુ કર્યું હતું.રહાણેએ માર્ચ 2013 બોર્ડર-ગાવસ્કર ટ્રોફીમાં ટેસ્ટ ડેબ્યુ કર્યું હતું. તેની પ્રથમ ટેસ્ટ સદી ન્યુઝીલેન્ડ સામે બેસિન રિઝર્વ, વેલિંગ્ટન ખાતે ફટકારી હતી
તેમની કપ્તાની હેઠળ ભારતે ઓસ્ટ્રેલિયામાં 2020-21 બોર્ડર-ગાવસ્કર ટ્રોફી જીતી. મે 2021 સુધીમાં રહાણે ICC ટેસ્ટ બેટિંગ રેન્કિંગમાં 612 પોઈન્ટ સાથે 27મા ક્રમે છે. તેને માર્ચ 2022 માં BCCI દ્વારા ગ્રેડ Bનો કોન્ટ્રાક્ટ આપવામાં આવ્યો હતો.
રહાણેનો જન્મ 6 જૂન 1988ના રોજ અશ્વિ કેડી, સંગમનેર તાલુકા, અહેમદનગર જિલ્લામાં મધુકર બાબુરાવ રહાણે અને સુજાતા રહાણેને ત્યાં થયો હતો. તેને એક નાનો ભાઈ અને બહેન શશાંક અને અપૂર્વ રહાણે છે.
17 વર્ષની ઉંમરથી તેણે ભારતના ભૂતપૂર્વ બેટ્સમેન પ્રવિણ આમરે પાસેથી કોચિંગ લીધું હતું. રહાણેએ એસ.વી. જોશી હાઈસ્કૂલ, ડોમ્બિવલીમાંથી તેનું માધ્યમિક શાળાનો અભ્યાસ કર્યો છે.
રહાણેએ તેની બાળપણની મિત્ર રાધિકા ધોપાવકર સાથે 26 સપ્ટેમ્બર 2014ના રોજ લગ્ન કર્યા. આ દંપતીએ 4 ઓક્ટોબર 2019ના રોજ તેમના પ્રથમ બાળક પુત્રી આર્યાનું સ્વાગત કર્યું. તેમના બીજા બાળક પુત્ર રાઘવનો જન્મ 5 ઓક્ટોબર 2022ના રોજ થયો હતો.
2007ની શરૂઆતમાં જ્યારે ભારત U-19 એ ન્યુઝીલેન્ડનો પ્રવાસ કર્યો ત્યારે રહાણેએ બે સદી સાથે સારું પ્રદર્શન કર્યું હતું. પાકિસ્તાનમાં મોહમ્મદ નિસાર ટ્રોફી માટે તેની પસંદગી કરવામાં આવી હતી.
અજિક્ય રહાણે પરિવારની સૌથી નજીક છે. જ્યારે પણ સમય મળે છે તેઓ પરિવાર સાથે સમય પસાર કરે છે.
અજિક્ય રહાણે અને રાધિકા ધોપાવકરની લવ સ્ટોરી ખુબ જ ક્યુટ છે. બંન્ને એક જ શાળામાં અભ્યાસ કરતા હતા. બંન્નેના ઘર પણ બાજુ બાજુમાં જ હતા. સ્કુલના સમયથી જ બંન્નેની લવ સ્ટોરી શરુ થઈ હતી.
રહાણે અનેક એવોર્ડ જીતી ચૂક્યો છે.CEAT ભારતીય ક્રિકેટર ઓફ ધ યર 2014-15,શ્રેષ્ઠ અંડર-19 ક્રિકેટર માટે એમએ ચિદમ્બરમ ટ્રોફી 2006–07માં મળી હતી.અર્જુન એવોર્ડ 2016ના રોજ આપવામાં આવ્યો હતો.
અજિક્ય રહાણેના લગ્ન સાથે એક શાનદાર કિસ્સો જોડાયેલો છે. લગ્નમાં તે દુલ્હાના પેહરવેશમાં નહિ પરંતુ પીળા રંગની ટી-શર્ટ અને જીન્સ પહેરી પહોંચ્યો હતો. તેમની આ હાલત જોઈ સૌ કોઈ હેરાન રહી ગયા હતા. પત્ની રાધિકા પણ ગુસ્સે થઈ ગઈ હતી. એક ઈન્ટરવ્યુમાં રહાણે આ વાત કરતા કહ્યું કે, તેમને લગ્નના કપડાં ખરીદવાનો પણ સમય ન હતો.
Published On - 2:09 pm, Mon, 11 March 24