IND vs ENG : 13 વિકેટ લેતા જ બુમરાહ રચશે ઈતિહાસ, ઈંગ્લેન્ડમાં આ કમાલ કરનાર પહેલો ભારતીય બનશે
ભારતીય ટીમનો સ્ટાર ફાસ્ટ બોલર જસપ્રીત બુમરાહ ઈંગ્લેન્ડ સામેની પાંચ મેચની ટેસ્ટ શ્રેણીમાં ઈતિહાસ રચી શકે છે. જસપ્રીત બુમરાહ એક ખાસ સિદ્ધિ હાંસલ કરવાથી માત્ર 13 વિકેટ દૂર છે. આ ટેસ્ટ શ્રેણીમાં, જસપ્રીત બુમરાહ ચોક્કસપણે પોતાની છાપ છોડવા માંગશે અને પોતાના નામે એક નવો રેકોર્ડ પણ બનાવવા માંગશે.
અત્યાર સુધી, ઈશાંત શર્મા ઈંગ્લેન્ડમાં ટીમ ઈન્ડિયા માટે સૌથી વધુ વિકેટ લેનાર બોલર છે. ઈશાંત શર્માએ ઈંગ્લેન્ડની ધરતી પર ઈંગ્લેન્ડ ટીમ સામે 14 ટેસ્ટ મેચ રમી છે, જેમાં તેણે 48 વિકેટ લીધી છે.
ઈશાંત શર્મા પછી, કપિલ દેવનું નામ ઈંગ્લેન્ડમાં સૌથી વધુ વિકેટ લેનારા ભારતીય બોલરોની યાદીમાં આવે છે, જેમણે પોતાની કારકિર્દીમાં 13 મેચમાં 43 વિકેટ લીધી હતી. જ્યારે જસપ્રીત બુમરાહે ઈંગ્લેન્ડમાં અત્યાર સુધીમાં 8 ટેસ્ટ મેચમાં 37 ટેસ્ટ વિકેટ લીધી છે.
જસપ્રીત બુમરાહ અત્યાર સુધીમાં ઈંગ્લેન્ડ સામે કુલ 14 ટેસ્ટ રમી ચૂક્યો છે અને 60 વિકેટ લઈ ચૂક્યો છે. કપિલ દેવના 85 વિકેટના આંકડાને પાર કરવા અને ઈંગ્લેન્ડ સામે ટેસ્ટમાં ભારતનો સૌથી સફળ ફાસ્ટ બોલર બનવા માટે તેને આ શ્રેણીમાં ઓછામાં ઓછી 26 વિકેટની જરૂર છે.
જસપ્રીત બુમરાહ હાલમાં શાનદાર ફોર્મમાં છે. તાજેતરમાં સમાપ્ત થયેલી IPL 2025માં મુંબઈ ઈન્ડિયન્સ તરફથી રમતી વખતે તેણે 12 મેચમાં 18 વિકેટ લીધી હતી. આવી સ્થિતિમાં, ચાહકો આશા રાખશે કે બુમરાહ ટેસ્ટ શ્રેણીમાં પણ આ જ પ્રદર્શનનું પુનરાવર્તન કરશે. (All Photo Credit : PTI)
