IND vs AUS : ભેદભાવ કે દંભ ? મેલબોર્ન ટેસ્ટ પહેલા ટીમ ઈન્ડિયા સામે ઓસ્ટ્રેલિયાની ચાલ !
મેલબોર્ન ટેસ્ટ પહેલા ફરી એકવાર ટીમ ઈન્ડિયા સાથે ભેદભાવના સમાચાર સામે આવ્યા છે. ઓસ્ટ્રેલિયાએ ફરી એકવાર ટીમ ઈન્ડિયા સાથે મોટી રમત રમી છે. ઓસ્ટ્રેલિયાને મેલબોર્ન ટેસ્ટમાં તેનો સીધો ફાયદો મળી શકે છે.
કહેવામાં આવી રહ્યું છે કે જે પિચો પર ટીમ ઈન્ડિયાએ પ્રેક્ટિસ કરી હતી તેમાં હાઈ બાઉન્સવાળી વિકેટ હતી, જોકે તે ટીમ ઈન્ડિયા માટે તૈયાર નહોતી. અહેવાલો અનુસાર, ઓસ્ટ્રેલિયા હવે આના પર પ્રેક્ટિસ કરશે. ઓસ્ટ્રેલિયાને ઝડપી ગતિ અને સારા બાઉન્સવાળી પિચો આપવામાં આવશે, જે તેમને મેલબોર્ન ટેસ્ટમાં ઘણી મદદ કરશે. કારણ કે આ પિચો મેલબોર્ન ટેસ્ટમાં ઉપયોગમાં લેવાતી પિચ જેવી જ હશે. આવી સ્થિતિમાં ઓસ્ટ્રેલિયાએ ફરીથી ભારત સાથે ભેદભાવ કર્યો છે એમ કહેવું ખોટું નહીં હોય.
બીજી તરફ, MCG પિચ ક્યુરેટર મેટ પેજે જણાવ્યું છે કે આગામી ટેસ્ટ માટે પિચ કેવી રહેશે. મીડિયા સાથે વાત કરતા તેમણે કહ્યું, 'સાત વર્ષ પહેલા પિચ એકદમ સપાટ હતી. અમે નક્કી કર્યું કે અમે વધુ રોમાંચક ટેસ્ટ મેચ બનાવવા માંગીએ છીએ. તેથી હવે અમે પિચો પર વધુ ઘાસ છોડીએ છીએ. આનાથી બોલરોને વધુ મદદ મળશે, પરંતુ નવો બોલ સોફ્ટ થયા બાદ બેટિંગ પણ સારી રહેશે. તેમણે એ પણ ખુલાસો કર્યો કે MCG પિચ સ્પિનરો માટે મદદરૂપ સાબિત થશે નહીં. (All Photo Credit : X / INSTAGRAM / Getty)
Published On - 3:19 pm, Mon, 23 December 24
