નો-બોલને કારણે ટેસ્ટમાં રવિન્દ્ર જાડેજાને અત્યાર સુધી કેટલીવાર લીધેલી વિકેટ નહીં મળી ? આંકડા જાણીને ચોંકી જશો
શું રવિન્દ્ર જાડેજા ટેસ્ટમાં ઓવરસ્ટેપિંગ કરવાની આદતથી મજબૂર છે? તેના ઓવરસ્ટેપિંગને કારણે ઘણીવાર વિકેટ ટેકિંગ બોલને નો-બોલ જાહેર કરવામાં આવ્યા છે. પરિણામે વિકેટ મળવાને બદલે લીધેલી વિકેટ પણ તેણે ગુમાવી છે. ચાલો જાણીએ આવું કેટલીવાર થયું છે.
ગાલે ટેસ્ટમાં નો-બોલને કારણે રવિન્દ્ર જાડેજા લીધેલી વિકેટ ગુમાવી દીધી. તેણે શ્રીલંકાના ટેસ્ટ કેપ્ટન ધનંજય ડી સિલ્વાની વિકેટ લેવાની તક ગુમાવી દીધી. જોકે, જાડેજાના ટેસ્ટ કારકિર્દીમાં આ પહેલીવાર નથી જ્યારે જાડેજાએ ઓવરસ્ટેપિંગ માટે આપવામાં આવેલા નો-બોલને કારણે વિકેટ ગુમાવી હોય.
2015ની મોહાલી ટેસ્ટમાં રવિન્દ્ર જાડેજા એબી ડી વિલિયર્સની વિકેટ ચૂકી ગયો કારણ કે તેણે તેને આઉટ કરેલો બોલ નો-બોલ હતો. 2017ની નાગપુર ટેસ્ટમાં ઓવરસ્ટેપિંગને કારણે તેણે શ્રીલંકાના બેટ્સમેન દિમુથ કરુણારત્નેને આઉટ કરવાની તક પણ ગુમાવી દીધી. તે જ વર્ષે દિલ્હી ટેસ્ટમાં તેણે શ્રીલંકાના એન્જેલો મેથ્યુસ અને દિનેશ ચંદીમલની વિકેટ પણ ચૂકી ગયો કારણ કે તેણે બંનેને આઉટ કર્યા તે બોલ નો-બોલ હતા.
વેસ્ટ ઈન્ડિઝ સામે 2019 ની કિંગ્સ્ટન ટેસ્ટમાં, જાડેજાનો પગ ફરી એકવાર ઓવરસ્ટેપ થઈ ગયો જ્યારે તેણે શમાર બ્રુક્સને આઉટ કર્યો. પછીના વર્ષે, 2020 માં, ક્રાઇસ્ટચર્ચ ટેસ્ટમાં ન્યૂઝીલેન્ડના બેટ્સમેન હેનરી નિકોલ્સ સાથે પણ આવું જ થયું. જાડેજાએ તેને આઉટ કર્યો, પરંતુ ઓવરસ્ટેપિંગને કારણે બોલને નો-બોલ જાહેર કરવામાં આવ્યો.
ઓસ્ટ્રેલિયા સામેની 2023ની ઘરઆંગણે રમાયેલી ટેસ્ટ શ્રેણીમાં રવિન્દ્ર જાડેજા ઓવરસ્ટેપિંગના કારણે ત્રણ વિકેટ ગુમાવી. નાગપુર ટેસ્ટમાં સ્ટીવ સ્મિથ તેનો 250મો શિકાર બની શક્યો હોત. ઇન્દોર ટેસ્ટમાં માર્નસ લાબુશેન અને દિલ્હી ટેસ્ટમાં પીટર હેન્ડ્સકોમ્બને નો નોલના કારણે વધુ એક મોકો મળ્યો.
છેલ્લા પાંચ વર્ષના આંકડા પર નજર કરીએ તો, જાડેજા ટેસ્ટમાં સૌથી વધુ નો-બોલ ફેંકનાર સ્પિનર છે. રવિન્દ્ર જાડેજાએ 2021 થી 84 નો-બોલ ફેંક્યા છે. પાકિસ્તાનનો નોમાન અલી બીજા ક્રમે છે, જેણે આ સમયગાળા દરમિયાન અડધાથી પણ ઓછા 40 નો-બોલ ફેંક્યા છે. (Photo: PTI)
