Hardik Pandya : ટીમ ઈન્ડિયાના સ્ટાર ઓલરાઉન્ડર હાર્દિક પંડ્યાને મળ્યા ગુડ ન્યુઝ, BCCIએ આપી મંજૂરી
વનડે શ્રેણી પછી ભારત દક્ષિણ આફ્રિકા સામે પાંચ મેચની T20 શ્રેણી રમશે. આ શ્રેણી પહેલા સ્ટાર ઓલરાઉન્ડર હાર્દિક પંડ્યા માટે સારા સમાચાર છે. તેને બોલિંગ કરવાની મંજૂરી મળી ગઈ છે અને જલ્દી તે T20 શ્રેણી માટેની ટીમમાં રમવા પણ તૈયાર છે.
ટીમ ઈન્ડિયાના સ્ટાર ઓલરાઉન્ડર હાર્દિક પંડ્યાને બોલિંગ કરવાની મંજૂરી મળી ગઈ છે. હાર્દિક પંડ્યા બેંગલુરુના સેન્ટર ઓફ એક્સેલન્સમાં રિહેબમાંથી પસાર થઈ રહ્યો હતો, અને તે હવે પૂર્ણ થઈ ગયું છે. પંડ્યા 21 ઓક્ટોબરથી 30 નવેમ્બર સુધી COEમાં હતો.
તાજેતરના અહેવાલો અનુસાર હાર્દિક પંડ્યાને CoE દ્વારા T20 આંતરરાષ્ટ્રીય મેચ રમવાની પરવાનગી આપવામાં આવી છે. તે બોલિંગ પણ કરી શકશે. હવે તે દક્ષિણ આફ્રિકા સામેની T20 શ્રેણીમાં રમવા માટે તૈયાર છે.
જોકે, દક્ષિણ આફ્રિકા સામેની શ્રેણી પહેલા હાર્દિક પંડ્યા બે T20 મેચ પણ રમશે. તે 2 ડિસેમ્બરે પંજાબ સામે અને 4 ડિસેમ્બરે ગુજરાત સામે મેદાનમાં ઉતરશે.
હાર્દિક પંડ્યાની બોલિંગ, બેટિંગ અને મેચ ફિટનેસ પર પસંદગીકાર પ્રજ્ઞાન ઓઝા નજર રાખશે, જેને BCCI દ્વારા આ કાર્ય સોંપવામાં આવ્યું છે. એવી આશા છે કે પંડ્યા ન માત્ર તેની મેચ ફિટનેસ સાબિત કરશે પરંતુ મેચ વિનર પ્રદર્શન પણ કરશે.
જોકે, હાર્દિક પંડ્યાનું વાપસી સરળ નહીં હોય કારણ કે તે સૈયદ મુશ્તાક અલી ટ્રોફીમાં પંજાબ સામે રમશે, જેમાં અભિષેક શર્મા જેવા આક્રમક બેટ્સમેનનો સામેલ છે. પાછલી મેચમાં અભિષેકે બંગાળ સામે માત્ર 32 બોલમાં સદી ફટકારી હતી. તેણે પોતાની ઇનિંગમાં 16 છગ્ગા ફટકાર્યા હતા. (PC: PTI)
