વેસ્ટ ઈન્ડિઝ ક્રિકેટ ટીમ સામે સદી ફટકારીને ગ્લેન મેક્સવેલ T-20 ઈન્ટરનેશનલમાં સંયુક્ત રીતે સૌથી વધુ સદી ફટકારનાર બેટ્સમેન બની ગયો છે. તેણે આ મામલે ભારતીય કેપ્ટન રોહિત શર્માની બરાબરી કરી લીધી છે.
ઓસ્ટ્રેલિયાને બીજો ઝટકો મિચેલ માર્શ (29)ના રૂપમાં 57 રનના કુલ સ્કોર પર લાગ્યો હતો. જે બાદ મેક્સવેલ બેટિંગ કરવા આવ્યો હતો. તેણે થોડો સમય ક્રિઝ પર વિતાવ્યો અને પછી ઝડપથી રન બનાવવાનું શરૂ કર્યું.તેણે માર્કસ સ્ટોઈનિસ (16) સાથે ચોથી વિકેટ માટે 82 રન અને ટિમ ડેવિડ (31) સાથે 95 રનની ભાગીદારી કરી હતી.તે 55 બોલમાં 12 ચોગ્ગા અને 8 છગ્ગાની મદદથી 120 રન બનાવ્યા બાદ અણનમ રહ્યો હતો.
આ સદી સાથે મેક્સવેલ T-20 ઈન્ટરનેશનલમાં સદી ફટકારવાના મામલે રોહિતની બરાબરી પર પહોંચી ગયો છે.આ સિવાય તેણે ભારતીય બેટ્સમેન સૂર્યકુમાર યાદવને પાછળ છોડી દીધો છે. આ ફોર્મેટમાં તેના નામે 4 સદી છે.એ જ રીતે પાકિસ્તાનનો બાબર આઝમ, ન્યુઝીલેન્ડનો કોલિન મુનરો અને ચેક રિપબ્લિકનો સબાવોન ડેવિસ 3-3 સદી સાથે ત્રીજા સ્થાને છે.
મેક્સવેલની ઇનિંગના આધારે કાંગારુ ટીમ મોટો સ્કોર બનાવવામાં સફળ રહી હતી.ઇનિંગ્સનો 32મો રન બનાવતાની સાથે જ મેક્સવેલે T-20 ક્રિકેટમાં પોતાના 9,500 રન પૂરા કરી લીધા. તેણે હવે 9,588 રન પૂરા કર્યા છે.આવું કરનાર તે ત્રીજો કાંગારુ બેટ્સમેન છે. આ મામલે માત્ર ડેવિડ વોર્નર (11,800+) અને એરોન ફિન્ચ (11,458) તેનાથી આગળ છે.
મેક્સવેલે પોતાની 418મી T20 મેચમાં આ સિદ્ધિ મેળવી છે. તેણે 6 સદી અને 52 અડધી સદી ફટકારી છે. આ ફોર્મેટમાં તેના નામે 150 થી વધુ વિકેટ પણ છે.T20 ઇન્ટરનેશનલમાં મેક્સવેલનો સ્ટ્રાઇક રેટ હવે 155.26 પર પહોંચી ગયો છે, જે ઓછામાં ઓછા 1,000 રન બનાવનારા ઓસ્ટ્રેલિયન બેટ્સમેનોમાં સૌથી વધુ છે. આ પ્રથમ વખત છે જ્યારે મેક્સવેલે વેસ્ટ ઈન્ડિઝ સામે ટી20 ઈન્ટરનેશનલમાં 50થી વધુ રન બનાવ્યા છે.