ઇંગ્લેન્ડમાં શરમજનક હાર બાદ પાકિસ્તાન ટીમમાં ભૂકંપ, 3 ખેલાડીઓની છુટ્ટી, 2 કોચ પણ બહાર
ઇંગ્લેન્ડ સામેની ટેસ્ટ શ્રેણીમાં સતત બે કારમી હાર બાદ પાકિસ્તાન ક્રિકેટમાં મોટો ફેરફાર થયો છે. ટીમના ત્રણ ખેલાડીઓને આગામી ટેસ્ટ પહેલાં ઘરે મોકલી દેવામાં આવ્યા છે, જ્યારે બે કોચને પણ તેમની જવાબદારીમાંથી દૂર કરવામાં આવ્યા છે. હવે બર્મિંગહામ ટેસ્ટ પહેલાં ટીમમાં નવા ચહેરાઓ અને નવા કોચિંગ સ્ટાફ સાથે પાકિસ્તાન વાપસી કરવાનો પ્રયાસ કરશે.
લીડ્સ ટેસ્ટ પછી પાકિસ્તાનને લોર્ડ્સમાં પણ કારમી હારનો સામનો કરવો પડ્યો હતો. આ હાર બાદ, પાકિસ્તાન ક્રિકેટ બોર્ડ (PCB) એ કડક કાર્યવાહી કરી હતી અને ત્રણ ખેલાડીઓ તથા બે કોચની ટીમમાંથી છુટ્ટી કરી દીધી છે.
સલમાન અલી આગાને પાકિસ્તાનની ટીમમાંથી બહાર કરવામાં આવ્યો છે અને તે આગામી ટેસ્ટ માટે બર્મિંગહામ જશે નહીં. ઇમામ-ઉલ-હક અને મોહમ્મદ રિઝવાનને પણ ટીમમાંથી બહાર કરવામાં આવ્યા છે.
અહેવાલો અનુસાર, આ ત્રણ ખેલાડીઓની જગ્યાએ સેમ અયુબ, અરાફત મિન્હાસ અને અબ્દુલ્લા ફઝલને ઇંગ્લેન્ડ જવા માટે કહેવામાં આવ્યું છે.
મોટા સમાચાર એ છે કે સરફરાઝ અહેમદ અને ઉમર ગુલની પણ છુટ્ટી થઈ ગઈ છે. તેમના સ્થાને માઈક હેસનને ટેસ્ટ કોચ તરીકે નિયુક્ત કરવામાં આવ્યો છે. તે અગાઉ ODI અને T20 ટીમોને કોચિંગ આપી ચૂક્યો છે. એશ્લે નોફકીને બોલિંગ કોચ તરીકે નિયુક્ત કરવામાં આવ્યો છે.
પાકિસ્તાનની આગામી ટેસ્ટ મેચ 9 સપ્ટેમ્બરે એજબેસ્ટન ખાતે રમાશે. પાકિસ્તાને પહેલી ટેસ્ટ એક ઇનિંગ અને 103 રનથી હારી ગઈ હતી. બીજી ટેસ્ટમાં, તેઓ 194 રનથી હારી ગયા. (PC-PTI)
