ENG vs PAK: 10 વર્ષની કારકિર્દીમાં પહેલીવાર આવો દિવસ જોયો, પાકિસ્તાની ખેલાડીને આ 5 રનની કમી હંમેશા સતાવશે
ઈંગ્લેન્ડ સામેની ત્રીજી ટેસ્ટમાં આ પાકિસ્તાની ખેલાડીએ દબાણ વચ્ચે શાનદાર બેટિંગ કરી, પરંતુ સદીથી માત્ર 5 રન દૂર રહી ગયો. તેણે 148 બોલમાં 12 ચોગ્ગાની મદદથી 95 રન બનાવ્યા પણ તે 5 રન માટે સદી ચૂકી ગયો. તેની કારકિર્દીમાં પહેલીવાર આ ખેલાડી નર્વસ 90માં આઉટ થયો હતો.
ઈંગ્લેન્ડ-પાકિસ્તાન તીજી ટેસ્ટમાં પાકિસ્તાનની બીજી ઇનિંગ્સમાં ટીમે એક પણ રન બનાવ્યા વિના બે વિકેટ ગુમાવી દીધી હતી, ત્યારે શાન મસૂદે મોરચો સંભાળ્યો.
મસૂદે યુવા અઝાન અવૈસ સાથે મળીને ત્રીજી વિકેટ માટે 125 રનની મહત્વપૂર્ણ ભાગીદારી કરી.
આ ભાગીદારી સાથે પાકિસ્તાને શ્રેણીમાં કોઈપણ વિકેટ માટે પ્રથમ સદીની ભાગીદારી નોંધાવી અને ટીમને મુશ્કેલીમાંથી બહાર કાઢી.
અઝાન અવૈસ બાદ મસૂદે બાબર આઝમ સાથે પણ ઇનિંગ્સને આગળ વધારી અને પાકિસ્તાનને 200 રનનો આંકડો પાર કરાવ્યો.
શાન મસૂદ સદી તરફ મજબૂતીથી આગળ વધી રહ્યો હતો, પરંતુ 50મી ઓવરમાં તેની શાનદાર ઇનિંગ્સનો અચાનક અંત આવ્યો.
ગસ એટકિન્સને ઓફ સ્ટમ્પની બહાર શોર્ટ-ઓફ-લેન્થ બોલ ફેંક્યો, જેને મસૂદે રમવાનો પ્રયાસ કર્યો, પરંતુ બોલ બેટની બહારની ધાર સાથે અથડાયો.
ચોથી સ્લિપમાં ઉભેલા ડેન લોરેન્સે જમણી તરફ ડાઇવ કરીને અદભુત કેચ પકડ્યો અને મસૂદને 95 રને પેવેલિયન પરત ફરવું પડ્યું.
આ સાથે મસૂદ પોતાની આઠમી ટેસ્ટ સદીથી માત્ર 5 રન દૂર રહી ગયો અને તેની 10 વર્ષની આંતરરાષ્ટ્રીય કારકિર્દીમાં પહેલીવાર 90ના સ્કોરમાં આઉટ થવાનો કડવો અનુભવ થયો. (PC:PTI/GETTY/X)
Published On - 9:11 pm, Fri, 11 September 26
