કોહલી પાસે છે કરોડો રુપિયાનું Watch Collection, મેચ દરમિયાન પહેરી લાખો રુપિયાની Watch
Virat Kohli Worth Watch : વિરાટ કોહલી પોતાની શાનદાર રમતની સાથે પોતાના શોખને કારણે પણ ચર્ચામાં રહે છે. વિરાટ કોહલીએ હાલમાં વેસ્ટ ઈન્ડિઝ સામે લાખો રુપિયાની ઘડિયાળ પહેરી હતી, જેને કારણે તે ભારે ચર્ચામાં છે.
વિરાટ કોહલી એક ખેલાડી તરીકે સૌથી વધુ કમાણી કરનાર ભારતીય છે. વેસ્ટ ઈન્ડિઝ સામેની સિરીઝ દરમિયાન પૂર્વ કેપ્ટન કોહલીનો એક ફોટો વાયરલ થયો હતો. આમાં તે ઘડિયાળ પહેરેલી જોવા મળી રહી છે. આ પછી તેની કિંમત વિશે ચર્ચા થઈ હતી.
ઘડિયાળ પહેરેલા વિરાટ કોહલીનો ફોટો વાયરલ થઈ રહ્યો છે, જેમાં તે શુભમન ગિલ સાથે વાત કરી રહ્યો છે. આ ઘડિયાળનું નામ Patek Philippe Aquanaut છે. તેની કિંમત લગભગ 85 લાખ રૂપિયા છે.
આ સિવાય કોહલીના કલેક્શનમાં રૂ. 35 લાખની કિંમતની Rolex Sky Dweller 18k રોઝ ગોલ્ડ, રૂ. 17 લાખની Ademars Piguet Royal Oak અને રૂ. 27 લાખની Rolex DayDate 40 18k ઘડિયાળનો પણ સમાવેશ થાય છે. વિરાટ કોહલી પાસે 2 કરોડની કિંમતની ઘડિયાળ પણ છે, જે રોલેક્સ ડેટોના રેનબો બ્રાન્ડની છે. તેણે અનેક પ્રસંગોએ તેના સાથીદારોને ઘડિયાળ ભેટમાં આપી છે.
કોહલીને BCCI વતી સેન્ટ્રલ કોન્ટ્રાક્ટમાંથી દર વર્ષે 7 કરોડ રૂપિયા મળે છે. IPL ટીમ RCBએ તેને 15 કરોડ રૂપિયામાં સાઈન કર્યો છે. વિરાટ સોશિયલ મીડિયા પોસ્ટ અને જાહેરાતોમાંથી પણ ઘણી કમાણી કરે છે. વિરાટ કોહલીની કુલ નેટવર્થ 1050 કરોડ છે.
હાલમાં જ ભારતીય ક્રિકેટ વિરાટ કોહલી ટેસ્ટ અને વનડે સિરીઝમાં પોતાનું યોગદાન આપીને ભારત પરત ફર્યો છે. તે એક પ્રાઈવેટ ચાર્ટર્ડ ફલાઈટમાં બેસીને વેસ્ટ ઈન્ડિઝથી ભારત આવ્યો હતો.