Breaking News: અર્શદીપ સિંહ ન્યૂઝીલેન્ડ પ્રવાસે નહીં જાય ? BCCIના નિવેદનથી ઊભો થયો મોટો સવાલ!
ભારત-વેસ્ટ ઈન્ડિઝ વચ્ચે ચોથી T20 મેચમાં અર્શદીપ સિંહને ઈજા થઈ હતી. ઈજાના કારણે તેને મેદાન છોડવું પડ્યું હતું. હવે ભુવનેશ્વર કુમારને છેલ્લી મેચ માટે ટીમમાં સામેલ કરવામાં આવ્યો છે. જે બાદ મોટો સવાલ એ ઊભો થયો છે કે શું અર્શદીપ સિંહની ઈજા વધુ ગંભીર છે અને જો આવું હશે તો શું તે ન્યૂઝીલેન્ડ પ્રવાસે નહીં જાય.
હૈદરાબાદમાં ભારત અને વેસ્ટ ઈન્ડિઝ વચ્ચે ચોથી T20 દરમિયાન અર્શદીપ સિંહને ઈજા થઈ હતી. જે બાદ ભુવનેશ્વર કુમારનો ટીમમાં સમાવેશ કરવામાં આવ્યો હતો. જેથી ફેન્સના મનમાં મોટો પ્રશ્ન છે કે શું અર્શદીપ સિંહ ઈજાના કારણે ન્યૂઝીલેન્ડ નહીં જાય?
ભારત અને ન્યૂઝીલેન્ડ વચ્ચેની T20 શ્રેણી 22 ઓક્ટોબરથી શરૂ થઈ રહી છે, અને અર્શદીપ સિંહ T20 ટીમનો મુખ્ય બોલર છે. જોકે, આ ઈજાએ તેના રમવા અંગે શંકા ઉભી કરી છે.
તો શું અર્શદીપ ન્યુઝીલેન્ડના પ્રવાસે નહીં જાય? આ પ્રશ્નનો જવાબ થોડા દિવસોમાં સ્પષ્ટ થઈ જશે, પરંતુ તેની ઈજા અંગે BCCIની પ્રેસ રિલીઝ સકારાત્મક સંકેતો આપે છે.
16 ઓક્ટોબરના રોજ BCCIએ એક પ્રેસ રિલીઝમાં જાહેરાત કરી હતી કે અર્શદીપની ઈજાને કારણે અનુભવી ઝડપી બોલર ભુવનેશ્વર કુમારને ટીમમાં ઉમેરવામાં આવ્યો હતો.
જોકે, BCCIએ સ્પષ્ટતા કરી હતી કે અર્શદીપને હજુ સુધી અંતિમ મેચમાંથી બહાર કરવામાં આવ્યો નથી. બેંગલુરુમાં રમાનારી મેચમાં તે રમી શકે છે.
BCCIના જણાવ્યા અનુસાર અંતિમ T20માં અર્શદીપના રમવા અંગેનો નિર્ણય તેની ફિટનેસ પર આધારિત હશે અને તે મેચ પહેલા લેવામાં આવશે.
આ સ્પષ્ટપણે દર્શાવે છે કે અર્શદીપની ઈજા હાલમાં ગંભીર દેખાતી નથી, અને તેથી જ તે ટીમનો ભાગ રહે છે. આ જ કારણ છે કે બોર્ડને આશા છે કે તે અંતિમ મેચ માટે ફિટ થઈ જશે.
BCCIના નિવેદન બાદ અર્શદીપ ન્યૂઝીલેન્ડ પ્રવાસમાં જશે તે નિશ્ચિત લાગે છે. તેને ન્યૂઝીલેન્ડમાં પ્રથમ 1-2 મેચમાં આરામ આપવામાં આવી શકે છે જેથી તે સંપૂર્ણપણે ફિટ થઈ શકે. (PC:PTI/X)
Published On - 7:07 pm, Fri, 16 October 26
