Breaking News: આયર્લેન્ડમાં નહીં થયું વૈભવ સૂર્યવંશીનું ડેબ્યૂ, હવે ક્યારે મળશે 15 વર્ષીય સુપરસ્ટારને તક?
ટીમ ઈન્ડિયાના આયર્લેન્ડ પ્રવાસમાં ફેન્સને ઘણી આશાઓ હતી કે વૈભવ સૂર્યવંશીને બે મેચની T20 શ્રેણીમાં ડેબ્યૂ કરવાની તક મળશે. જોકે, શ્રેણીની બંને મેચોએ વૈભવ અને તેના ચાહકોને નિરાશ કર્યા. આયર્લેન્ડ શ્રેણી સમાપ્ત થઈ ગઈ અને વૈભવનું ડેબ્યૂ પણ ના થયું. હવે સવાલ એ છે કે હવે તેણે ક્યારે ડેબ્યૂ કરવાની તક મળશે.
IPL 2026 માં સૌથી વધુ રન, સૌથી વધુ છગ્ગા, સૌથી ઝડપી સ્ટ્રાઈક રેટ અને ડઝનબંધ રેકોર્ડ બનાવનાર વૈભવ સૂર્યવંશીએ ટીમ ઈન્ડિયામાં સ્થાન મેળવ્યું છે, પરંતુ તે હજુ પણ તેના ડેબ્યૂની રાહ જોઈ રહ્યો છે.
15 વર્ષીય વિસ્ફોટક ઓપનરને આયર્લેન્ડ પ્રવાસ માટે પહેલીવાર ટીમ ઈન્ડિયામાં પસંદ કરવામાં આવ્યો હતો, પરંતુ તેને શ્રેણીની એક પણ મેચમાં તક મળી ન હતી. પહેલી મેચમાં ભારતની હાર બાદ, કેપ્ટન શ્રેયસ અય્યર અને કોચ ગૌતમ ગંભીરે તેને બીજી મેચ માટે પણ પ્લેઈંગ ઈલેવનમાં સામેલ કર્યો નહીં.
વૈભવ સૂર્યવંશીને ડેબ્યૂ કરતો જોવા માટે બેલફાસ્ટ સહિત સમગ્ર આયર્લેન્ડમાં ભારે ઉત્સાહ અને અપેક્ષા હતી. જોકે, તે બંને મેચો માટે બેન્ચ પર રહ્યો. પ્રશ્ન એ ઊભો થાય છે કે આ યુવા સેન્સેશનને તેના ડેબ્યૂ માટે કેટલો સમય રાહ જોવી પડશે?
તમને યાદ અપાવી દઈએ કે વૈભવને ફક્ત આયર્લેન્ડ T20 શ્રેણી માટે જ નહીં પરંતુ ઈંગ્લેન્ડ પ્રવાસ માટે પણ પસંદ કરવામાં આવ્યો છે. આ શ્રેણી 1 જુલાઈથી શરૂ થશે અને તેમાં પાંચ મેચનો સમાવેશ થશે. તેથી, આ મેચોમાંથી એકમાં વૈભવનું ડેબ્યૂ થઈ શકે છે.
ડેબ્યૂની વાત કરીએ તો, વૈભવને બીજી T20માં તક મળી ન હતી, પરંતુ બે અન્ય ખેલાડીઓને તક મળી હતી. ટીમ ઈન્ડિયાએ ફાસ્ટ બોલર પ્રિન્સ યાદવ અને ઓલરાઉન્ડર સૂર્યાંશ શેડગેને ડેબ્યૂ કરાવ્યું હતું. (PC: PTI/GETTY)
