Breaking News: પાકિસ્તાને પોતાના જ દેશના ખેલાડી પર બે વર્ષનો પ્રતિબંધ મૂક્યો, 10 લાખનો દંડ પણ ફટકાર્યો, જાણો કેમ
પાકિસ્તાન ક્રિકેટ બોર્ડે ઓલરાઉન્ડર હમઝા નઝર પર બે વર્ષનો પ્રતિબંધ મૂક્યો છે અને તેને 10 લાખ પાકિસ્તાની રૂપિયાનો દંડ પણ ફટકાર્યો છે. PCBએ પોતાના જ દેશના ખેલાડી પર બે વર્ષનો પ્રતિબંધ કેમ મૂક્યો? ચાલો જાણીએ.
પાકિસ્તાની ક્રિકેટ ઓલરાઉન્ડર હમઝા નઝર પર બે વર્ષનો પ્રતિબંધ મૂકવામાં આવ્યો છે. 31 વર્ષીય આ ખેલાડીને તેની વિઝા અરજીમાં ખોટી માહિતી આપવા બદલ દોષી ઠેરવવામાં આવ્યો હતો.
સિયાલકોટ સ્થિત આ ક્રિકેટર હવે સ્થાનિક કે આંતરરાષ્ટ્રીય ક્રિકેટમાં ભાગ લઈ શકશે નહીં. હમઝા નઝરને PCBએ 10 લાખ પાકિસ્તાની રૂપિયાનો મોટો દંડ ચૂકવવાનો પણ આદેશ આપવામાં આવ્યો છે.
ઓફ-સ્પિન ઓલરાઉન્ડરને તાજેતરની વેસ્ટ ઈન્ડિઝ ટેસ્ટ શ્રેણી માટે પહેલીવાર પાકિસ્તાની ટીમમાં સામેલ કરવામાં આવે તેવી અપેક્ષા હતી, પરંતુ વિઝા સમસ્યાઓના કારણે તે પાકિસ્તાની ટેસ્ટ ટીમનો ભાગ બની શક્યો નહીં.
હમઝા નઝર તેની ઓફ-સ્પિન બોલિંગ અને સારી મિડલ ઓર્ડર બેટિંગ માટે જાણીતો છે. તેણે 2025ના કાયદ-એ-આઝમ ટ્રોફીમાં ચમકીને સિયાલકોટ માટે 245 રન બનાવ્યા અને 18 વિકેટ લીધી હતી.
હમઝા નઝરે 16 ફર્સ્ટ ક્લાસ, 15 લિસ્ટ A અને 10 T20 મેચ રમી છે, જેમાં 1,000 થી વધુ રન બનાવ્યા છે અને 50 વિકેટ લીધી છે. તેનો શ્રેષ્ઠ સ્કોર 175 અણનમ છે. (PC: Instagram)
