Breaking News: ટીમ ઈન્ડિયામાં અચાનક નવા ખેલાડીની એન્ટ્રી, ઈશાનની જગ્યાએ સામેલ, પ્લેઇંગ-11માં મળશે તક?
ન્યૂઝીલેન્ડ સામેની બીજી T20I પહેલાં ટીમ ઈન્ડિયામાં મોટો ફેરફાર થયો છે. ઈશાન કિશન ઈજાને કારણે મેચમાંથી બહાર થતાં 21 વર્ષીય વિકેટકીપર-બેટ્સમેનને કવર તરીકે ટીમમાં સામેલ કરવામાં આવ્યો છે. આ ખેલાડી હાલમાં ક્રાઇસ્ટચર્ચમાં જ છે અને ભારત A સાથે ન્યૂઝીલેન્ડ પહોંચ્યો હતો. હવે તેને સિનિયર ટીમમાં ડેબ્યૂની તક મળે છે કે નહીં, તેના પર સૌની નજર છે.
ભારતે પ્રથમ T20Iમાં ન્યૂઝીલેન્ડને હરાવીને શ્રેણીમાં શાનદાર શરૂઆત કરી હતી. જોકે, બીજી મેચ પહેલાં ઈશાન કિશનની ઈજાના કારણે ટીમને મોટો ઝટકો લાગ્યો છે. ઈશાન હવે બીજી T20Iમાં રમી શકશે નહીં.
ઈશાનના સ્થાને ઝારખંડના 21 વર્ષીય વિકેટકીપર-બેટ્સમેન કુમાર કુશાગ્રને ટીમમાં સામેલ કરવામાં આવ્યો છે. BCCIએ તેને આ મેચ માટે કવર તરીકે પસંદ કર્યો છે.
કુશાગ્ર હાલમાં ક્રાઇસ્ટચર્ચમાં જ છે. તે ભારત A ટીમ સાથે ન્યૂઝીલેન્ડ પહોંચ્યો હતો અને ન્યૂઝીલેન્ડ A સામેની ટેસ્ટ શ્રેણી માટે ટીમનો ભાગ હતો.
હવે સૌથી મોટો સવાલ એ છે કે ઈશાનની જગ્યાએ પ્લેઇંગ-11માં કોણ રમશે. વૈભવ સૂર્યવંશીને તક મળશે કે કુશાગ્રને સીધું આંતરરાષ્ટ્રીય ડેબ્યૂ કરાવવામાં આવશે?
કુશાગ્ર માટે આ તક ખૂબ ખાસ છે. તેને આગામી પાંચ મેચની ODI શ્રેણીની ચોથી અને પાંચમી મેચ માટે પણ સિનિયર ટીમમાં પ્રથમ વખત પસંદ કરવામાં આવ્યો છે.
તાજેતરમાં ઘરેલુ ક્રિકેટ અને ભારત A માટે કુશાગ્રે શાનદાર પ્રદર્શન કર્યું છે. દુલીપ ટ્રોફીમાં દક્ષિણ ઝોન સામેની ફાઇનલમાં તેણે પ્રથમ ઇનિંગમાં 101 રન બનાવ્યા હતા.
ઓસ્ટ્રેલિયા A સામેની પ્રથમ બિનસત્તાવાર ટેસ્ટમાં કુશાગ્રે 113 અને અણનમ 46 રનની ઇનિંગ્સ રમી હતી. આ પ્રદર્શન બદલ તેને પ્લેયર ઓફ ધ મેચનો એવોર્ડ મળ્યો હતો.
ન્યૂઝીલેન્ડ A શ્રેણીમાં પંતના સ્થાને પસંદગી થયા બાદ હવે કુશાગ્ર સીધો સિનિયર ટીમ સાથે જોડાયો છે. જો તેને તક મળે તો ન્યૂઝીલેન્ડ સામે તેની આંતરરાષ્ટ્રીય કારકિર્દીની શરૂઆત થઈ શકે છે. (PC:PTI/X)
