Breaking News: રવિન્દ્ર જાડેજા હવે ટીમ ઈન્ડિયામાં પાછો નહીં ફરે? 2027 ODI વર્લ્ડ કપ પ્લાનિંગ અંગે મોટો ખુલાસો
ન્યૂઝીલેન્ડ પ્રવાસ માટે પસંદ કરાયેલી ટીમમાં સ્પિન ઓલરાઉન્ડર અક્ષર પટેલ અને નમન ધીરનો સમાવેશ થાય છે. પાછલી ODI શ્રેણીમાં રમનાર જાડેજાનો સમાવેશ કરવામાં આવ્યો ન હતો. જે બાદ એવા અહેવાલ સામે આવ્યા છે કે જાડેજા 2027 ODI વર્લ્ડ કપ પ્લાનિંગનો પણ ભાગ નથી તેથી જ તેને તક અપાવાયાં આવી નથી. આ અહેવાલ બાદ મોટો સવાલ એ છે કે શું જાડેજાની વનડે કારકિર્દી સમાપ્ત થઈ ગઈ છે.
ન્યૂઝીલેન્ડ પ્રવાસ પર વનડે અને ટેસ્ટ શ્રેણી માટે પસંદ કરાયેલી ભારતીય ટીમે ઘણા પ્રશ્નો ઉભા કર્યા છે. સૌથી વધુ ચર્ચા ખેલાડીઓની પસંદગી શા માટે કરવામાં આવી અને અન્યને કેમ અવગણવામાં આવ્યા તે અંગે છે.
ફાસ્ટ બોલર મોહમ્મદ શમી અને યુવા ઓપનર યશસ્વી જયસ્વાલ સૌથી વધુ ચર્ચામાં છે. પરંતુ આ બધા વચ્ચે, અનુભવી ઓલરાઉન્ડર રવિન્દ્ર જાડેજા અંગે એક મોટો નિર્ણય લેવામાં આવ્યો છે, જેને વનડે ટીમમાંથી બહાર કરવામાં આવ્યો છે. આનાથી ભારતીય ટીમમાં તેનો સમય પૂરો થઈ ગયો છે કે કેમ તે અંગે પ્રશ્નો ઉભા થયા છે.
BCCI પસંદગી સમિતિએ શુક્રવાર, 16 ઓક્ટોબરના રોજ ભારતીય ટીમની જાહેરાત કરી હતી. આ પ્રવાસમાં ODI અને ટેસ્ટ શ્રેણી વચ્ચે ખૂબ જ ઓછો અંતર છે. તેથી ODI શ્રેણી માટે બે ટીમોની પસંદગી કરવામાં આવી છે.
પહેલી ટીમમાં કેપ્ટન શુભમન ગિલ સહિત તમામ મુખ્ય ખેલાડીઓનો સમાવેશ થયો છે, જ્યારે બીજી ટીમમાં ગિલ અને ટેસ્ટ શ્રેણીમાં રમનારા તમામ ખેલાડીઓનો સામેલ નથી. જોકે, જાડેજાને બંને ટીમમાં સામેલ કરવામાં આવ્યો નથી.
એ વાત સાચી છે કે જાડેજા પણ ટેસ્ટ શ્રેણીમાં રમશે, અને પરિણામે તેને છેલ્લી બે વનડે માટે ટીમમાં પસંદ કરવામાં આવ્યો ન હતો. જોકે, તેને પ્રથમ ત્રણ ODI માટે પણ તક અપાવામાં આવી નથી. તેના સ્થાને ટીમમાં અક્ષર પટેલ અને નમન ધીર જેવા સ્પિન-ઓલરાઉન્ડરોનો સમાવેશ થયો છે. પસંદગી સમિતિએ આ માટે કોઈ કારણ આપ્યું નથી, કારણ કે ટીમની જાહેરાત BCCI વેબસાઇટ અને સોશિયલ મીડિયા પર કરવામાં આવી હતી.
પરંતુ એક અહેવાલ મુજબ, પસંદગી સમિતિનો નિર્ણય જાડેજાના ભવિષ્યને ધ્યાનમાં રાખીને લેવામાં આવ્યો છે. એક અહેવાલમાં દાવો કરવામાં આવ્યો છે કે જાડેજા 2027 વર્લ્ડ કપ માટે પસંદગીકારોની યોજનાઓનો ભાગ નથી. પરિણામે, અન્ય ખેલાડીઓને તકો મળે તે માટે જાડેજાને ટુર્નામેન્ટના એક વર્ષ પહેલા બાકીની ODI મેચોમાંથી બહાર રાખવામાં આવી રહ્યો છે.
ODI ફોર્મેટમાં રવિન્દ્ર જાડેજાનું પ્રદર્શન ખાસ સારું રહ્યું નથી. તેણે ખાસ કરીને તેની બોલિંગમાં કઈં ખાસ યોગદાન આપ્યું નથી. 2025થી જાડેજાએ 15 ODIમાં માત્ર 149 રન બનાવ્યા છે અને ફક્ત 14 વિકેટ લીધી છે.
જાડેજાની બોલિંગ નબળી રહી છે. માર્ચ 2025માં ચેમ્પિયન્સ ટ્રોફી ફાઇનલ પછી જાડેજાએ 8 મેચમાં ફક્ત 3 વિકેટ લીધી છે. 2026માં સતત ચાર મેચમાં જાડેજાને એકપણ વિકેટ મળી નહીં અને પાંચમી મેચમાં ફક્ત બે વિકેટ લીધી હતી. (PC:PTI/X)
Published On - 5:58 pm, Sat, 17 October 26
