Breaking News : ગુજરાત ટાઈટન્સને મોટો ફટકો, 10.75 કરોડના સ્ટાર ખેલાડીએ IPL અધવચ્ચે છોડ્યું
IPL 2025માં ગુજરાત ટાઈટન્સે તેની ત્રીજી મેચમાં રોયલ ચેલેન્જર્સ બેંગલુરુને 8 વિકેટથી હરાવ્યું હતું પરંતુ આ જીતના બીજા જ દિવસે ગુજરાત ટાઈટન્સને મોટો ઝટકો લાગ્યો હતો. GTનો સ્ટાર ખેલાડી IPL અધવચ્ચે છોડી અચાનક પોતાના દેશ પરત ફર્યો હતો. જાણો કોણ છે આ ખેલાડી અને કેમ આ ખેલાડીએ અચાનક IPL છોડવાનો નિર્ણય લીધો.
ગુજરાત ટાઈટન્સને મોટો ઝટકો લાગ્યો છે. ગુજરાત ટાઈટન્સના સ્ટાર ફાસ્ટ બોલર કાગીસો રબાડાએ IPL છોડી દીધું છે. તે પાછો આવશે કે નહીં તે અંગે હજુ સુધી કોઈ માહિતી નથી. ગુજરાતે રબાડા માટે 10.75 કરોડ રૂપિયાનો મોટો ખર્ચ કર્યો છે.
કાગીસો રબાડા પણ રોયલ ચેલેન્જર્સ બેંગલુરુ સામેની મેચમાં પણ રમ્યો ન હતો. હવે સમાચાર આવ્યા છે કે તે દક્ષિણ આફ્રિકા પાછો ગયો છે. અહેવાલો અનુસાર, રબાડાએ ગુજરાત ટાઈટન્સની RCB સામે 8 વિકેટની શાનદાર જીત બાદ ઘરે જવાનો નિર્ણય લીધો હતો.
ગુજરાત ટાઈટન્સે રબાડાના દક્ષિણ આફ્રિકા પરત ફરવા પર કહ્યું, 'કાગીસો રબાડા એક મહત્વપૂર્ણ અંગત બાબતમાં હાજરી આપવા માટે દક્ષિણ આફ્રિકા પરત ફર્યો છે.'
આ સિઝનમાં, રબાડાએ ફક્ત બે મેચ રમી છે જેમાં તેણે ફક્ત બે વિકેટ લીધી છે. આ સિઝનમાં રબાડાનું પ્રદર્શન અત્યાર સુધી સારું રહ્યું નથી. તેણે પંજાબ કિંગ્સ સામેની પહેલી મેચમાં 41 રન આપીને માત્ર એક વિકેટ લીધી હતી, જેમાં ટાઈટન્સને હારનો સામનો કરવો પડ્યો હતો.
મુંબઈ ઈન્ડિયન્સ સામેની બીજી મેચમાં પણ તે બહુ અસરકારક રહ્યો ન હતો, તેણે 42 રન આપીને માત્ર એક વિકેટ લીધી, જોકે ગુજરાત મેચ જીતી ગયું હતું.
ભલે રબાડા અત્યાર સુધી ફક્ત બે વિકેટ લઈ શક્યો છે, આ ખેલાડીને ગુજરાત ટાઈટન્સના બોલિંગ આક્રમણનો આધાર માનવામાં આવે છે. ટીમમાં મોહમ્મદ સિરાજ, પ્રસિદ્ધ કૃષ્ણા અને ઈશાંત શર્મા જેવા બોલરોની હાજરી હોવા છતાં, રબાડાની ભૂમિકા મહત્વપૂર્ણ છે.
કાગિસો રબાડાની IPL કારકિર્દી શાનદાર રહી છે. રબાડાએ 82 IPL મેચોમાં 119 વિકેટ લીધી છે. તેનો ઈકોનોમી રેટ પ્રતિ ઓવર 8.53 રન રહ્યો છે પરંતુ તે મેચ વિનર રહ્યો છે. રબાડાએ IPL 2020માં તેનું શ્રેષ્ઠ પ્રદર્શન કર્યું હતું જ્યારે તેણે 17 મેચોમાં કુલ 30 વિકેટ લીધી હતી. (All Photo Credit : PTI)
Published On - 8:27 pm, Thu, 3 April 25
