Breaking News: વિરાટનો 60 સદીનો રેકોર્ડ તોડવો અશક્ય, હવે કોહલી જ રહેશે ‘કિંગ’
વિરાટ કોહલીએ વેસ્ટ ઈન્ડિઝ સામેની પહેલી વનડેમાં અણનમ 139 રનની શાનદાર ઇનિંગ રમીને અનેક રેકોર્ડ પોતાના નામે કર્યા. જોકે, તેની આ સદી સાથે એવો ખાસ રેકોર્ડ પણ બન્યો છે, જેને તોડવો કોઈ પણ બેટ્સમેન માટે લગભગ અશક્ય છે. સચિન તેંડુલકર અને રિકી પોન્ટિંગ જેવા દિગ્ગજ ખેલાડીઓ પણ આ મામલે કોહલીથી પાછળ છે.
વિરાટ કોહલીએ વેસ્ટ ઈન્ડિઝ સામે તિરુવનંતપુરમ વનડેમાં 88 બોલમાં અણનમ 139 રન ફટકાર્યા હતા.
વિરાટ કોહલીએ આ સદી સાથે અનેક રેકોર્ડ બનાવ્યા. જોકે આ સદીમાં એક એવો ખાસ રેકોર્ડ બન્યો જે પહેલા ક્યારેય બન્યો નહોતો.
વિરાટ કોહલીની આંતરરાષ્ટ્રીય ક્રિકેટમાં આ 86 સદી હતી અને 86 માંથી આ 60 મી સદી હતી જેમાં ટીમ ઈન્ડિયાએ મેચ જીતી મેળવી હતી.
આ 60 મી સદી સાથે વિરાટ કોહલીએ ટીમની જીતમાં સૌથી વધુ સદી ફટકારવાનો વર્લ્ડ રેકોર્ડ બનાવ્યો હતો.
વિરાટ કોહલીનો ટીમની જીત દરમિયાન 60 સદી ફટકારવાનો આ વર્લ્ડ રેકોર્ડ તોડવો કોઈ પણ બેટ્સમેન માટે લગભગ અશક્ય છે.
ઓસ્ટ્રેલિયાનો મહાન બેટ્સમેન અને કેપ્ટન રિકી પોન્ટિંગ આ મામલે બીજા ક્રમે છે. પોન્ટિંગે કુલ 71 આંતરરાષ્ટ્રીય સદીઓ ફટકારી છે, જેમાંથી 55 સદીઓમાં ઓસ્ટ્રેલિયાની જીત થઈ છે.
ક્રિકેટના ભગવાન સચિન તેંડુલકરે આંતરરાષ્ટ્રીય ક્રિકેટમાં સૌથી વધુ 100 સદી ફટકારી છે અને તેમાંથી 53 સદીઓ ભારતની જીતમાં આવી હતી. એટલે કે સચિન 47 સદીઓમાં ટીમ ઈન્ડિયાને હાર મળી છે.
રોહિત શર્માએ અત્યાર સુધીમાં 51 આંતરરાષ્ટ્રીય સદી ફટકારી છે, જેમાંથી 42 સદીમાં ટીમ ઈન્ડિયાએ જીત મેળવી છે અને જીતની ટકાવારીના મામલે રોહિત વિરાટ, સચિન અને પોન્ટિંગથી આગળ છે. (PC:PTI/X)
