Breaking News: સંજુ સેમસનની 21 બોલમાં ફિફ્ટી, પાવરપ્લેમાં મચાવી ધમાલ, કોહલીના રેકોર્ડની કરી બરાબરી
રાંચી T20માં સંજુ સેમસને માત્ર 21 બોલમાં અડધી સદી ફટકારીને પોતાના ટીકાકારોને યોગ્ય જવાબ આપ્યો હતો. સંજુએ પાવર પ્લેમાં જ પોતાની ફિફ્ટી પૂરી કરી લીધી હતી. સાથે જ તેણે વિરાટ કોહલીની બરાબરી પણ કરી હતી.
લખનૌ T20માં નિષ્ફળ રહ્યા બાદરાંચીમાં જોરદાર બેટિંગ કરી સંજુ સેમસને પોતાના ટીકાકારોને ચૂપ કરી દીધા હતા.
સંજુ સેમસને રાંચી T20માં માત્ર 21 બોલમાં અડધી સદી ફટકારી ચાહકોના દિલ જીતી લીધા હતા.
સેમસને પાવરપ્લેમાં જ પોતાની અડધી સદી પૂરી કરી હતી. T20 કારકિર્દીમાં પહેલીવાર સેમસને પાવરપ્લેમાં ફિફ્ટી ફટકારી હતી.
સંજુ સેમસને માત્ર 21 બોલમાં પોતાની અડધી સદી પૂરી કરી, આ સાથે તેણે વેસ્ટ ઈન્ડિઝ સામે સૌથી ઝડપી T20 ફિફ્ટીના વિરાટ કોહલીના રેકોર્ડની બરાબરી કરી. કોહલીએ 2019માં વેસ્ટ ઈન્ડિઝ સામે 21 બોલમાં અડધી સદી ફટકારી હતી.
જોકે, સંજુ સેમસને આ મેચમાં ભાગ્યનો પણ ખૂબ સાથ મળ્યો. પોતાની અડધી સદી પૂર્ણ કરતા પહેલા સેમસનના બે કેચ ડ્રોપ થયા હતા.
કામિલ પૂરને ત્રીજી ઓવરમાં અને ગુડાકેશ મોતીએ છઠ્ઠી ઓવરમાં સંજુનો કેચ ડ્રોપ કર્યો હતો અને તેને બે જીવનદાન મળ્યા હતા.
સંજુ સેમસનએ આ બે જીવનદાનનો ભરપૂર ફાયદો ઉઠાવ્યો અને T20 ક્રિકેટમાં પોતાની નવમી અડધી સદી ફટકારી હતી.
જોકે સંજુ સેમસન આ ફિફ્ટીને સદીમાં ના ફેરવી શક્યો. સંજુ 41 બોલમાં 82 રન બનાવીને આઉટ થયો હતો. (PC:PTI/X)
