IND vs WI: 8 વર્ષ પહેલા વેસ્ટ ઈન્ડિઝ સામે 10,000 ODI રન પૂરા કર્યા, હવે 15,000ની નજીક વિરાટ કોહલી
વિરાટ કોહલી વેસ્ટ ઈન્ડિઝ સામેની પ્રથમ વનડેમાં વધુ એક ઐતિહાસિક સિદ્ધિ હાંસલ કરવાની નજીક છે. આ જ ટીમ સામે 2018માં તેણે 10,000 વનડે રન પૂરા કરીને વિશ્વ રેકોર્ડ બનાવ્યો હતો. હવે કોહલી વનડે ક્રિકેટમાં 15,000 રન પૂરા કરનાર વિશ્વનો માત્ર બીજો બેટ્સમેન બનવાથી 59 રન દૂર છે.
વિરાટ કોહલી વેસ્ટ ઈન્ડિઝ સામેની પ્રથમ વનડેમાં વધુ એક ઐતિહાસિક સિદ્ધિ હાંસલ કરવાની નજીક છે. તિરુવનંતપુરમમાં રમાનારી મેચમાં કોહલી 59 રન બનાવશે તો તેના વનડે કરિયરના 15,000 રન પૂરા થઈ જશે.
આ જ વેસ્ટ ઈન્ડિઝ સામે કોહલીએ 24 ઓક્ટોબર 2018ના રોજ વિશાખાપટ્ટનમમાં 10,000 વનડે રન પૂરા કર્યા હતા. તેણે માત્ર 213 મેચ અને 205 ઇનિંગ્સમાં આ આંકડો પાર કરીને તે સમયે સૌથી ઝડપી 10,000 વનડે રનનો વિશ્વ રેકોર્ડ બનાવ્યો હતો.
હવે કોહલીની નજર 15,000 રનના આંકડા પર છે. અત્યાર સુધી માત્ર સચિન તેંડુલકર જ વનડેમાં 15,000થી વધુ રન બનાવી શક્યા છે. સચિને 463 મેચમાં 18,426 રન બનાવ્યા છે અને આ યાદીમાં તેઓ ટોચ પર છે.
કોહલી અત્યાર સુધી 314 વનડે મેચમાં 302 ઇનિંગ્સ રમીને 14,941 રન બનાવી ચૂક્યો છે. તેના નામે વનડેમાં 54 સદી અને 79 અડધી સદી છે. 59 રન સાથે તે 15,000 રનના આંકડાને સ્પર્શી જશે.
કોહલીનો વેસ્ટ ઈન્ડિઝ સામેનો રેકોર્ડ પણ શાનદાર રહ્યો છે. તેણે કેરેબિયન ટીમ સામે 43 મેચમાં 41 ઇનિંગ્સમાં 2,261 રન બનાવ્યા છે. આ દરમિયાન તેણે 9 સદી પણ ફટકારી છે.
કોહલીનું હાલનું ફોર્મ પણ તેના ચાહકો માટે રાહતના સમાચાર છે. ચેમ્પિયન્સ ટ્રોફી બાદ તે ભારત માટે વનડેમાં સૌથી વધુ રન બનાવનારા બેટ્સમેનોમાં રહ્યો છે. હવે તેની પાસે ફરી એકવાર મોટી વ્યક્તિગત સિદ્ધિ હાંસલ કરવાની તક છે.
આ શ્રેણી પહેલાં કોહલીએ પુષ્ટિ કરી છે કે 2027નો વનડે વર્લ્ડ કપ તેનો છેલ્લો વર્લ્ડ કપ હશે.
ટેસ્ટ અને T20 આંતરરાષ્ટ્રીય ક્રિકેટમાંથી નિવૃત્તિ લઈ ચૂકેલા કોહલી માટે હવે વનડેમાં 15,000 રનનો આંકડો તેની કારકિર્દીની વધુ એક મોટી સિદ્ધિ બની શકે છે. (PC:PTI/X)
Published On - 9:28 pm, Sat, 26 September 26
