IND vs SL: ઈજાના કારણે પ્રથમ ટેસ્ટમાંથી બહાર થયો આ સ્ટાર ખેલાડી, ગાલેમાં ફટકારી ચૂક્યો છે અનેક સદી
ભારત અને શ્રીલંકા વચ્ચેની પ્રથમ ટેસ્ટ શરૂ થાય તે પહેલા જ સ્ટાર ખેલાડીની ફિટનેસે ચિંતા વધારી છે. ઈજાના કારણે આ અનુભવી ખેલાડી પ્રથમ ટેસ્ટમાંથી બહાર રહે તેવી શક્યતા છે. જો આવું થાય તો ટીમને મોટો ફટકો પડશે.
ભારત અને શ્રીલંકા વચ્ચે બે ટેસ્ટ મેચની શ્રેણી 15 ઓગસ્ટથી ગાલેમાં શરૂ થવાની છે. જોકે, શ્રેણી પહેલા જ શ્રીલંકન ટીમને મોટો ઝટકો લાગ્યો છે.
અહેવાલો મુજબ, શ્રીલંકન ટીમનો અનુભવી વિકેટકીપર-બેટ્સમેન કુસલ મેન્ડિસ હજુ સુધી ઈજામાંથી સંપૂર્ણ સ્વસ્થ થયો નથી. તેથી પ્રથમ ટેસ્ટમાં તેના રમવાની શક્યતા ખૂબ ઓછી માનવામાં આવી રહી છે.
કુસલ મેન્ડિસને લંકા પ્રીમિયર લીગ દરમિયાન હેમસ્ટ્રિંગમાં ઈજા થઈ હતી. મેડિકલ ટીમ તેની સ્થિતિ પર સતત નજર રાખી રહી છે, પરંતુ પ્રથમ ટેસ્ટ સુધી ફિટ થવું મુશ્કેલ લાગી રહ્યું છે.
જો કુસલ મેન્ડિસ પ્રથમ ટેસ્ટમાં નહીં રમે તો ગાલે જેવી સ્પિન-ફ્રેન્ડલી પિચ પર શ્રીલંકન ટીમની બેટિંગને મોટો ફટકો પડી શકે છે. આ મેદાન પર તેણે પોતાની કારકિર્દીની અનેક યાદગાર ઈનિંગ્સ રમી છે.
31 વર્ષીય કુસલ મેન્ડિસે શ્રીલંકા માટે 75 ટેસ્ટમાં 4,836 રન બનાવ્યા છે અને 10 સદી ફટકારી છે. તેમાંની ચાર સદી ગાલેમાં આવી છે. હવે બીજી ટેસ્ટ સુધી તે સંપૂર્ણ ફિટ થઈ શકે તેવી આશા વ્યક્ત કરવામાં આવી રહી છે. (PC:PTI/X)
