Breaking News: ભુવનેશ્વર કુમારે T20I કારકિર્દીમાં પહેલીવાર ફેંક્યો નો-બોલ, 299.3 ઓવર બાદ કરી ભૂલ
ન્યૂઝીલેન્ડ સામેની પ્રથમ T20Iમાં ભુવનેશ્વર કુમાર સાથે તેની કારકિર્દીની એક અનોખી ઘટના બની. લગભગ 300 ઓવર સુધી એકપણ નો-બોલ ન ફેંકનાર ભુવીએ આખરે આ ભૂલ કરી. ભુવનેશ્વર કુમારે મેચમાં પોતાની બીજી ઓવરના પહેલા બોલે નો-બોલ ફેંક્યો. એટલું જ નહીં, કમબેક મેચમાં ભૂવી એકપણ વિકેટ ન લઈ શક્યો અને મોંઘો સાબિત થયો.
ભુવનેશ્વર કુમારે લગભગ ચાર વર્ષ બાદ T20I ક્રિકેટમાં વાપસી કરી હતી. રસપ્રદ વાત એ છે કે તેની છેલ્લી T20I મેચ પણ ન્યૂઝીલેન્ડ સામે જ રમાઈ હતી.
વાપસીની પહેલી ઓવરમાં ભુવીએ શાનદાર બોલિંગ કરી હતી. તેણે માત્ર ચાર રન આપીને બેટ્સમેનોને મોટા શોટ રમવાની તક આપી નહોતી.
જોકે, બીજી ઓવરના પહેલા જ બોલે ભુવીનો પગ ક્રીઝની આગળ પડતાં નો-બોલ થયો. T20I કારકિર્દીમાં આ તેનો પ્રથમ નો-બોલ હતો.
નો-બોલ બાદ ટિમ સેફર્ટને ફ્રી હિટ મળી હતી. ન્યૂઝીલેન્ડના બેટ્સમેને આ તકનો ફાયદો ઉઠાવી ચોગ્ગો ફટકાર્યો અને ભારત પર દબાણ વધાર્યું.
સેફર્ટે આ ઓવરમાં આક્રમક બેટિંગ કરી હતી. પરિણામે ભુવનેશ્વરની બીજી ઓવરમાં કુલ 17 રન આવ્યા, જે ભારત માટે મોંઘા સાબિત થયા.
ભુવનેશ્વરે 299.3 ઓવર સુધી T20I ક્રિકેટમાં એકપણ નો-બોલ ફેંક્યો નહોતો. જોકે, તે આ મામલે આદિલ રશીદનો 320.2 ઓવરનો રેકોર્ડ તોડી શક્યો નહીં.
નો-બોલની ભૂલ છતાં ભુવનેશ્વરે પાવરપ્લેમાં ડોટ બોલનો રેકોર્ડ પોતાના નામે કર્યો. તેણે T20Iમાં પાવરપ્લેમાં કુલ 680 ડોટ બોલ ફેંકીને ટિમ સાઉથીને પાછળ છોડ્યો.
આ મેચમાં ભુવનેશ્વરે ચાર ઓવરમાં 49 રન આપ્યા હતા અને તેને એકપણ વિકેટ મળી નહોતી. તેની બોલિંગ મોંઘી સાબિત થઈ. (PC:PTI/X)
Published On - 3:53 pm, Thu, 22 October 26
