Breaking News: શુભમન ગિલ જેટલું ફાસ્ટ કોઈ નથી… માત્ર 62 ઈનિંગમાં 3000 ODI રન, બન્યો નંબર-1
ભારતીય કેપ્ટન શુભમન ગિલે અફઘાનિસ્તાન સામેની પ્રથમ ODI દરમિયાન એક મોટી સિદ્ધિ હાંસલ કરી. તે 3000 રન પૂરા કરનાર ભારતનો સૌથી ઝડપી બેટ્સમેન બન્યો હતો. તેણે શિખર ધવનને પાછળ છોડી દીધો હતો.
અફઘાનિસ્તાન સામેની પહેલી વનડેમાં 195 રનના લક્ષ્યાંકનો પીછો કરતા શુભમન ગિલે કેપ્ટન ઈનિંગ રમી. ગિલે પોતાની ઈનિંગમાં 47 રન બનાવતાની સાથે જ એક મોટી સિદ્ધિ હાંસલ કરી હતી.
શુભમન ગિલ હવે વન ડે ઈન્ટરનેશનલ (ODI) ક્રિકેટમાં 3,000 રન બનાવનાર સૌથી ઝડપી ભારતીય બેટ્સમેન બની ગયો છે. ગિલે ભૂતપૂર્વ ભારતીય ઓપનર શિખર ધવનનો રેકોર્ડ તોડ્યો છે.
શિખર ધવને 72 ઈનિંગ્સમાં 3,000 ODI રન પૂરા કર્યા હતા. જોકે, શુભમન ગિલે નોંધપાત્ર માત્ર 62 ઈનિંગ્સમાં આ સીમાચિહ્ન હાંસલ કર્યું, જે ધવનથી 10 ઇનિંગ્સ આગળ છે.
વિશ્વ રેકોર્ડની વાત કરીએ તો શુભમન ગિલ હવે 3,000 ODI રન બનાવનાર વિશ્વનો બીજો સૌથી ઝડપી ખેલાડી બની ગયો છે. આ યાદીમાં દક્ષિણ આફ્રિકાનો દિગ્ગજ ખેલાડી હાશિમ અમલા ટોપ પર છે, જેણે ફક્ત 57 ઈનિંગ્સમાં આ સિદ્ધિ હાંસલ કરી હતી.
શુભમન ગિલનો ODI ક્રિકેટમાં રેકોર્ડ બનાવવાનો સિલસિલો અહીં જ અટકતો નથી. તે ભારત માટે દરેક મોટા સીમાચિહ્ન સુધી પહોંચનાર સૌથી ઝડપી ખેલાડી બની ગયો છે. તેની પાસે 1,000, 2,000 અને હવે 3,000 ODI રન સુધી પહોંચનાર સૌથી ઝડપી ભારતીય બનવાનો અનોખો 'હેટ્રિક' રેકોર્ડ છે. (PC: PTI/X/BCCI)
