Breaking News: પહેલા ટીમમાં ન મળ્યું સ્થાન, બાદમાં તક મળતા જ બતાવ્યો ક્લાસ, 100 મી મેચમાં ફટકારી સદી
શ્રીલંકા A સામેની ODI ત્રિકોણીય શ્રેણીની પહેલી મેચમાં ઋતુરાજ ગાયકવાડે શાનદાર સદી ફટકારી હતી. ઋતુરાજે 112 બોલમાં પોતાની સદી પૂરી કરી હતી. ખાસ વાત એ છે કે, તેણે પોતાની 100મી લિસ્ટ A મેચમાં સદી ફટકારી હતી.
ઋતુરાજ ગાયકવાડે ODI ત્રિકોણીય શ્રેણીની પહેલી મેચમાં શ્રીલંકા A સામે શાનદાર સદી ફટકારી હતી. ખાસ વાત એ છે કે, આ ઋતુરાજની 100મી લિસ્ટ A મેચ પણ હતી.
ઋતુરાજ ગાયકવાડે શ્રીલંકા A સામે 112 બોલમાં પોતાની સદી પૂરી કરી. આ તેની લિસ્ટ A કારકિર્દીની 21મી સદી હતી, જેમાં તેણે છ ચોગ્ગા અને ત્રણ છગ્ગા ફટકાર્યા હતા. તે 113 બોલમાં 101 રન બનાવીને આઉટ થયો હતો.
ઋતુરાજ ગાયકવાડને સદભાગ્યે શ્રીલંકા પ્રવાસ માટે ઈન્ડિયા A ટીમમાં સ્થાન મળ્યું છે. શરૂઆતમાં તેને ટીમમાં સામેલ કરવામાં આવ્યો ન હતો, પરંતુ રિયાન પરાગ હેમસ્ટ્રિંગની ઈજાને કારણે બહાર થયા પછી તેને તક મળી હતી.
ઋતુરાજ ગાયકવાડે પહેલી મેચમાં મળેલી તકનો શ્રેષ્ઠ ફાયદો ઉઠાવ્યો. તેની સદીથી ભારત A ટીમ માત્ર 16 રનના સ્કોર પર બે વિકેટે ખરાબ સ્થિતિમાંથી બહાર આવી હતી.
પોતાની સદી દરમિયાન ઋતુરાજે ઈન્ડિયા A ના કેપ્ટન તિલક વર્મા સાથે ચોથી વિકેટ માટે 150 રનની ભાગીદારી કરી, જેના કારણે ટીમ ઈન્ડિયા મેચમાં સારી સ્થિતિમાં પહોંચી ગઈ. (PC:PTI)
