BCCIએ રોહિત શર્માને આપ્યો મોટો ઝટકો, ચેમ્પિયન્સ ટ્રોફી પહેલા આ વસ્તુઓ પર લગાવ્યો પ્રતિબંધ
ચેમ્પિયન્સ ટ્રોફી 19 ફેબ્રુઆરીથી શરૂ થવા જઈ રહી છે. આ માટે ટીમ ઈન્ડિયા 15 ફેબ્રુઆરીએ દુબઈ જવા રવાના થશે. પરંતુ આ પહેલા જ BCCIએ ભારતીય કેપ્ટન રોહિત શર્માને મોટો ઝટકો આપ્યો છે. બોર્ડે ટુર્નામેન્ટ દરમિયાન ઘણી વસ્તુઓ પર પ્રતિબંધ મૂક્યો છે.
એટલે કે હવે એમ કહી શકાય કે આ બધા નિયમો હવેથી લાગુ કરવામાં આવ્યા છે. ઉપરાંત, ટૂરિંગ મેનેજરને આનું પાલન થાય તેની ખાતરી કરવા કહેવામાં આવ્યું છે. BCCIના સૂત્રોએ જણાવ્યું હતું કે બોર્ડે શિસ્ત અને એકતા વધારવા તેમજ ટીમમાં સકારાત્મક વાતાવરણ જાળવવા માટે આ પગલા લીધા છે.
રિપોર્ટ અનુસાર, હૈદરાબાદ ક્રિકેટ એસોસિએશનના સેક્રેટરી આર દેવરાજ ચેમ્પિયન્સ ટ્રોફી દરમિયાન ટીમ મેનેજર રહેશે. તેમને આ નિયમોનું કડક પાલન કરવાનું કહેવામાં આવ્યું છે. એટલું જ નહીં, ખેલાડીઓને પણ આ અંગે જાણ કરવામાં આવી છે અને કહેવામાં આવ્યું છે કે બોર્ડ આ અંગે ખૂબ જ ગંભીર છે.
ક્રિકબઝના રિપોર્ટ અનુસાર, ચેમ્પિયન્સ ટ્રોફી દરમિયાન BCCI વ્યક્તિગત સ્ટાફ પર મહત્તમ ધ્યાન આપી રહ્યું છે. BCCIએ આ માટે કડક માર્ગદર્શિકા જારી કરી છે અને ખેલાડીઓને વ્યક્તિગત મેનેજર, રસોઈયા, સહાયક અથવા સુરક્ષાકર્મીઓને તેમની સાથે લઈ જવા પર પ્રતિબંધ મૂક્યો છે. હવેથી, ખેલાડીઓ બોર્ડની પરવાનગી વિના તેમના અંગત સ્ટાફને સાથે લઈ જઈ શકશે નહીં. બોર્ડે લોજિસ્ટિક્સની સમસ્યા ઘટાડવા માટે આ પગલું ભર્યું છે. (All Photo Credit : PTI / GETTY)
Published On - 8:47 pm, Thu, 13 February 25
