Delhi Capitals ના કેપ્ટનનો તાજ આ ગુજ્જુ ખેલાડીના શિરે, IPL 2025 માં કરશે ટીમનું નેતૃત્વ
દિલ્હી કેપિટલ્સે અક્ષર પટેલને IPL 2025 માટે કેપ્ટન તરીકે નિયુક્ત કર્યા છે. 2019 થી ટીમનો મહત્વપૂર્ણ સભ્ય રહેલા અક્ષર ઋષભ પંતનું સ્થાન લેશે. ચેરમેન કિરણ ગાંધીએ તેમના નેતૃત્વની પ્રશંસા કરી, જ્યારે અક્ષરે જવાબદારી બદલ કૃતજ્ઞતા વ્યક્ત કરી. સ્થાનિક ટુર્નામેન્ટમાં ગુજરાતની કેપ્ટનશીપ કરી ચૂકેલો અક્ષર આત્મવિશ્વાસથી ભરેલો છે.
દિલ્હી કેપિટલ્સના ચેરમેન કિરણ કુમાર ગાંધીએ કેપ્ટનશીપની જાહેરાત કરતા કહ્યું, "અમને દિલ્હી કેપિટલ્સના કેપ્ટન તરીકે અક્ષર પટેલ મળવાનો ખૂબ આનંદ છે. તે 2019 થી આ ટીમનો મહત્વપૂર્ણ ભાગ રહ્યો છે અને હંમેશા ટીમના મૂલ્યોને સ્વીકાર્યો છે. આ તેના માટે એક સ્વાભાવિક નેતૃત્વ યાત્રા છે - તે છેલ્લા બે સીઝનથી ઉપ-કપ્તાન છે અને જ્યારે પણ જરૂર પડે ત્યારે તેણે પોતાની જવાબદારીઓ સારી રીતે નિભાવી છે. તેને અમારા કોચિંગ સ્ટાફ અને સિનિયર લીડરશીપ ટીમનો સંપૂર્ણ ટેકો છે, અને અમને વિશ્વાસ છે કે તે આ ભૂમિકામાં શાનદાર પ્રદર્શન કરશે."
31 વર્ષીય અક્ષર પટેલે 2024-25 સીઝનમાં સૈયદ મુશ્તાક અલી ટ્રોફી અને વિજય હજારે ટ્રોફીમાં ગુજરાત ટીમનું નેતૃત્વ કર્યું હતું. આ ઉપરાંત, જ્યારે ઋષભ પંત પર ધીમા ઓવર રેટને કારણે પ્રતિબંધ મૂકવામાં આવ્યો હતો ત્યારે તેણે IPL મેચમાં દિલ્હી કેપિટલ્સનું નેતૃત્વ પણ કર્યું હતું. (All Image - IPL)
Published On - 4:35 pm, Fri, 14 March 25
