IND vs AUS : ટીમ ઈન્ડિયાની સાથે ઓસ્ટ્રેલિયાના PMએ લીધી સેલ્ફી, વિરાટ કોહલીને પાઠવી શુભકામના
ભારતીય ટીમે ઓસ્ટ્રેલિયા પ્રવાસની શાનદાર શરુઆત કરી છે. પર્થમાં રમાયેલી પહેલી સીરિઝમાં 295 રનથી જીત મેળવી હતી. આ વચ્ચે ટીમ ઈન્ડિયાએ ઓસ્ટ્રેલિયાના વડાપ્રધાને એન્થોની અલ્બેનીઝ પ્રાઈમ મિનિસ્ટર ઈલેવન સામેની 2 દિવસીય મેચ પહેલા મુલાકાત કરી હતી.
ભારતીય ટીમ હાલમાં ઓસ્ટ્રેલિયાના પ્રવાસ પર 5 મેચની બોર્ડર ગાવસ્કર ટ્રોફી રમવા પહોંચી છે. આ સીરિઝની શરુઆતમાં ટીમ ઈન્ડિયાનો કેપ્ટન રોહિત શર્માની ગેરહાજરી બાદ ટીમે પહેલી મેચમાં જીત મેળવી છે. પહેલી ટેસ્ટ સિરીઝમાં જસપ્રીત બુમરાહએ કેપ્ટનશીપ કરી હતી.
હવે આ સીરિઝની આગામી મેચ 6 ડિસેમ્બરના રોજ એડિલેડ મેદાનમાં રમાશે. જે પિંક બોલથી રમાશે. આ મેચ પહેલા ટીમ ઈન્ડિયાએ 2 દિવસની પ્રેક્ટિસ મેચ 30 નવેમ્બર સુધી ઓસ્ટ્રેલિયાની પ્રાઈમ મિનિસ્ટર ઈલેવન વિરુદ્ધ રમશે. જે પિંક બોલથી જ રમાશે.
આ મેચ પહેલા ઓસ્ટ્રેલિયાના પીએમ એન્થોની અલ્બાનીઝે ટીમ ઈન્ડિયાના તમામ ખેલાડીઓ સાથે મુલાકાત કરી હતી. જેમાં કેપ્ટન રોહિત શર્મા પણ હાજર હતો. ઓસ્ટ્રેલિયાના પ્રધાનમંત્રી એન્થોની અલ્બેનીઝને ક્રિકેટ ખુબ પસંદ છે.
એન્થોની અલ્બેનીઝએ ભારતના તમામ ખેલાડીઓ સાથે વાતચીત કરી હતી અને સાથે સેલ્ફી પણ લીધી હતી. ઓસ્ટ્રેલિયાના પ્રધાનમંત્રીએ વિરાટ કોહલીને પર્થ ટેસ્ટમાં તેમણે ફટકારેલી સદી માટે શુભકામના પણ પાઠવી હતી.
ભારત અને ઓસ્ટ્રેલિયા વચ્ચે 5 મેચની ટેસ્ટ સીરિઝની પહેલી મેચ પર્થમાં રમાય હતી. આ મેચમાં ભારતની જીત થઈ છે અને સીરિઝમાં 1-0ની લીડ બનાવી લીધી છે. ભારત અને ઓસ્ટ્રેલિયાની બીજી મેચ 6 ડિસેમ્બરના રોજ રમાશે.