આ છે અફઘાનિસ્તાનના ક્રિકેટ ચાહકોનો પ્રેમ, T20 વર્લ્ડ કપની સેમિફાઇનલ જોવા રસ્તાઓને સ્ટેડિયમ બનાવી દીધુ, જુઓ ફોટો
સાઉથ આફ્રિકાની ટીમ પહેલી વખત ટી20 વર્લ્ડકપની ફાઈનલમાં પહોંચી છે. આ મેચ અફઘાનિસ્તાન માટે એટલી નિરાશાજનક હતુ કે, અફઘાનિસ્તાનની ટીમની સાથે તેના ચાહકો પણ દુખી થયા છે.
બાંગ્લાદેશ સામે 8 રને જીત મેળવીને અફઘાન ટીમ T20 વર્લ્ડ કપની સેમીફાઈનલમાં પહોંચી ગઈ હતી. આ જીત સાથે બાંગ્લાદેશ અને ઓસ્ટ્રેલિયા T20 વર્લ્ડ કપમાંથી બહાર થઈ ગઈ હતી.આ જીત સાથે અફઘાનિસ્તાનના ક્રિકેટ ચાહકોએ ખુબ જશ્ન મનાવ્યો હતો.
આજે સેમીફાઈનલમાં સાઉથ આફ્રિકા સામેની મેચ જોવા માટે અફઘાનના ક્રિકેટ ચાહકોનો પ્રેમ સ્પષ્ટ પણે જોવા મળી રહ્યો છે. તેમના ચાહકોએ સેમીફાઈનલ જોવા માટે જાણો રસ્તાઓ જામ કરી દીધા છે.
આ ફોટોમાં તમે જોઈ શકો છો કો, અફઘાનના ક્રિકેટ ચાહકોને તેની ટીમ ફાઈનલમાં પહોંચે તેવી આશા સાથે જાણે રસ્તાઓ પર તમામ કામ છોડીને બેઠા હતા.
ટી20 વર્લ્ડકપ 2024માં અફઘાનિસ્તાની ટીમ શાનદાર ફોર્મમાં ચાલી રહી હતી. તેમણે ગ્રુપ રાઉન્ડમાં ન્યુઝીલેન્ડ જેવી મજબુત ટીમને હાર આપી હતી. ત્યારબાદ સુપર-8માં ઓસ્ટ્રેલિયા વિરુદ્ધ જીત મેળવી હતી અને બાંગ્લાદેશને હાર આપી હતી.
અફઘાનિસ્તાને 2009માં પહેલી વખત ઈન્ટરનેશનલ ક્રિકેટ રમી હતી. 2010માં ટીમનું ટી20 ડેબ્યુ કર્યું હતુ. માત્ર 15 વર્ષમાં જ ટીમ ટી20 વર્લ્ડકપની સેમિફાઈનલમાં પહોંચી હતી.