‘દેશી ગર્લ’ પ્રિયંકા ચોપરાએ પોતાના ચાર ઘર એકસાથે વેચી દીધા, આટલા કરોડમાં થયો સોદો
લગભગ સાત વર્ષ પહેલાં ભારત છોડીને અમેરિકા શિફ્ટ થયેલી પ્રિયંકા ચોપરાએ એક સાથે પોતાના ચાર ઘર વેચી દીધા છે. મુંબઈમાં તેમના ઓબેરોય સ્કાય ગાર્ડન્સમાં એક કે બે નહીં પણ ચાર લક્ઝરી એપાર્ટમેન્ટ હતા.
ફ્લેટ નંબર 1801/C સ્નેહા ડાંગ સચદેવાએ 2 કરોડ 85 લાખ રૂપિયામાં ખરીદ્યો. આ 885 ચોરસ ફૂટના ફ્લેટ માટે 14 લાખ 25 હજાર રૂપિયાની સ્ટેમ્પ ડ્યુટી ચૂકવવામાં આવી હતી. ફ્લેટ નંબર 1901/C રૌનક ત્રિલોકા સચદેવાને ૩ કરોડ ૫૨ લાખ રૂપિયામાં વેચવામાં આવ્યો.
આ 1,1oo ચોરસ ફૂટના ફ્લેટ માટે 21 લાખ 12 હજાર રૂપિયાની સ્ટેમ્પ ડ્યુટી ચૂકવવામાં આવી હતી. જ્યારે ફ્લેટની જોડી 1801/B અને 1901/B) 6 કરોડ 35 લાખ રૂપિયામાં વેચાઈ હતી. તે રજની ત્રિલોક સચદેવાએ ખરીદ્યું હતું અને 31 લાખ 75 હજાર રૂપિયાની સ્ટેમ્પ ડ્યુટી ચૂકવવામાં આવી હતી.
પ્રિયંકા ચોપરાએ 2018 માં અમેરિકન ગાયક નિક જોનાસ સાથે લગ્ન કર્યા હતા. લગ્ન પછી, પ્રિયંકા ભારત છોડીને અમેરિકા ગઈ. તે તેના પતિ નિક અને પુત્રી માલતી સાથે લોસ એન્જલસમાં રહે છે. જોકે, અભિનેત્રી સમયાંતરે ભારત આવતી રહે છે. તાજેતરમાં પ્રિયંકા તેના ભાઈ સિદ્ધાર્થ ચોપરાના લગ્ન માટે ભારત આવી હતી. વર્ક ફ્રન્ટની વાત કરીએ તો, તેણીએ છેલ્લે 2019 માં આવેલી ફિલ્મ 'સ્કાય ઇઝ ધ પિંક' માં બોલિવૂડમાં કામ કર્યું હતું. તેમના આગામી પ્રોજેક્ટ્સમાં 'ધ બ્લફ' અને 'હેડ ઓફ સ્ટેટ'નો સમાવેશ થાય છે.
Published On - 5:59 pm, Sat, 8 March 25
