કાનુની સવાલ : પર્સનાલિટી રાઈટની સુરક્ષા માટે બોમ્બે હાઈકોર્ટ પહોંચી શિલ્પા શેટ્ટી, જાણો શું છે આને લઈ કાનુન
બોલિવુડ અભિનેત્રી શિલ્પા શેટ્ટીએ બોમ્બે હાઈકોર્ટેનો દરવાજો ખટખટાવ્યો છે. તો ચાલો જાણીએ આ આખો કેસ શું છે. તેમજ આને લઈ કાનુન શું કહે છે.
હવે આપણે જાણીએ કે, આ પર્સનાલિટી રાઈટ્સ શું છે. પર્સનાલિટી રાઈટ્સ એક એવો અધિકાર છે. જેના હેઠળ તમને અધિકાર મળે છે કે, તમારો ફોટો, વીડિયો, નામ, અવાજ, સિગ્નેચર, કેચ ફ્રેઝ તેમજ હાવભાવનો ઉપયોગ કોઈ કરી શકતું નથી.
પર્સનાલિટી રાઈટ્સ માટે અલગ કોઈ કાનુન અત્યાર સુધી નથી. તેમનું રક્ષણ ભારતીય બંધારણના અનુચ્છેદ 21માં સમાવિષ્ટ છે, જે ગોપનીયતા અને ગુપ્તતાના અધિકાર સાથે સંબંધિત છે. વ્યક્તિત્વ અધિકારો 1957ના કોપીરાઇટ કાયદા હેઠળ પણ સુરક્ષિત છે. આ કાયદા મુજબ, નૈતિક અધિકારો ફક્ત લેખકો અને કલાકારોને જ ઉપલબ્ધ છે, જેમાં અભિનેતાઓ, ગાયકો, સંગીતકારો અને ડાન્સનો સમાવેશ થાય છે.
આ નિયમોનું ઉલ્લંઘન કરવાથી કોર્ટ મનાઈ હુકમ જાહેર કરી શકે છે અને નુકસાન અને દંડ પણ ફટકારી શકે છે. આનો અર્થ એ છે કે, જો કોઈ વ્યક્તિના નામનો પરવાનગી વિના વ્યાપારી રીતે ઉપયોગ કરવામાં આવે છે, તો કાર્યવાહી કરી શકાય છે.પરવાનગી વિના જાહેરાત અથવા અન્ય પ્રમોશનલ સામગ્રીમાં વ્યક્તિના ફોટોગ્રાફનો ઉપયોગ કરી શકાતો નથી.
(Disclaimer: જો તમારી પાસે કોઈ ચોક્કસ કેસ હોય તો કાનૂની નિષ્ણાત (વકીલ) ની સલાહ લેવી સલાહભર્યું છે. અહીં આપેલી માહિતી ફક્ત કોર્ટના નિર્ણયો અને કલમોને આધારે આપવામાં આવી છે. તમારે કોઈ કેસ માટે જાણવું હોય તો યોગ્ય વકીલની સલાહ લઈ શકો છો.)(All Image Credit- Canva)
