પત્ની, દીકરો સિંગર, પુત્રવધુ કરી ચૂકી છે ફિલ્મોમાં કામ, Controversyમાં રહેતા સિંગરનો આવો છે પરિવાર
69 વર્ષીય ઉદિત નારાયણ તેની બીજી પત્ની સાથે આલીશાન મકાનમાં રહે છે,સિંગર ઉદિત નારાયણના લાઈવ કોન્સર્ટનો વીડિયો વાયરલ થતાની સાથે જ દરેક લોકો ગાયક વિશે વાત કરી રહ્યા છે. તો આજે આપણે ઉદિત નારાયણના પરિવાર વિશે જાણીશું.
ઉદિત નારાયણ 2007 માં સોની ટીવી પર સંગીતકાર અનુ મલિક અને પ્લેબેક સિંગર અલીશા ચિનાઈ સાથે ઇન્ડિયન આઇડોલ 3 ના નિર્ણાયકોની પેનલમાં હતા.નારાયણ જો જીતા વોહી સુપર સ્ટાર અને સા રે ગા મા પા લિલ ચેમ્પ્સમાં ગેસ્ટ તરીકે પણ આવી ચૂક્યા છે
ઉદિત નારાયણના પિતા હરેકૃષ્ણ ઝા એક ખેડૂત હતા અને માતા ભુવનેશ્વરી દેવી એક લોક ગાયિકા હતી જેમણે તેમની કારકિર્દીને પ્રોત્સાહન આપ્યું છે. ઉદિત નારાયણે બે વાર લગ્ન કર્યા છે, પહેલા રંજના નારાયણ ઝા સાથે અને પછી દીપા ગહતરાજ સાથે.
અનેક દાયકાઓ સુધી સંગીત જગત પર રાજ કરનાર બોલિવૂડ ગાયકનું અંગત જીવન ઉતાર-ચઢાવ ભર્યું છે. પહેલા ત્યારે વિવાદમાં આવ્યો જ્યારે ખબર પડી કે તેણે તેની પ્રથમ પત્નીને છૂટાછેડા આપ્યા વિના અને તેને જાણ કર્યા વિના તેની બીજી પત્ની સાથે લગ્ન કર્યા છે. આજે આપણે ઉદિત નારાયણના પર્સનલ લાઈફ વિશે રસપ્રદ માહિતીઓ જાણીએ.
સિંગર ઉદિત નારાયણ આ વખતે એક વીડિયો વાયરલ થયા બાદ ચર્ચામાં છે, જેમાં ગાયક મહિલા ચાહકને લિપ-કિસ કરતો જોવા મળી રહ્યો છે. મહિલા ચાહકો સાથે કરવામાં આવેલી આ હરકત પર લોકો સવાલ ઉઠાવી રહ્યા છે.
સિંગરને 5 વખત ફિલ્મફેર એવોર્ડ મળ્યો છે. તેનું મુંબઈના અંધેરીમાં એક આલીશાન ઘર છે, જ્યાં તે તેના બીજા લગ્નથી તેની પત્ની દીપા નારાયણ સાથે રહે છે. જ્યારે તેનો પુત્ર આદિત્ય નારાયણ તેની પત્ની શ્વેતા અગ્રવાલ સાથે બાજુમાં રહે છે.
ગાયક ઉદિત નારાયણ, જેઓ 69 વર્ષના છે, તેમનો જન્મ બિહારના સુપૌલ જિલ્લાના બાયસ ગોઠ ગામમાં થયો હતો. તેણે સુપૌલની જાગેશ્વરી હાઈસ્કૂલમાંથી મેટ્રિક કર્યું, પછી વધુ અભ્યાસ માટે નેપાળની ત્રિભુવન યુનિવર્સિટીમાં ગયા હતા.
અભ્યાસ દરમિયાન ઉદિત નારાયણે નેપાળી રેડિયો માટે મૈથિલી, નેપાળી ગીતો ગાવાનું શરૂ કર્યું. ત્યારપછી તેઓ 1978માં મુંબઈ આવ્યા અને ફિલ્મોમાં તેમને વધારે સફળતા ન મળી. દરમિયાન પરિવારે ઉદિત નારાયણના લગ્ન 1984માં રંજના નારાયણ ઝા સાથે કરાવ્યા હતા.
ઉદિત નારાયણ પોતાની કારકિર્દી માટે ઘર છોડીને મુંબઈ આવ્યા હતા. મુંબઈ આવ્યા બાદ તેની મુલાકાત એર હોસ્ટેસ દીપા ગહતરાજ સાથે થઈ અને બંનેએ વર્ષ 1985માં લગ્ન કરી લીધા. આ બંનેને એક પુત્ર આદિત્ય નારાયણ છે, જે તેના પિતાની જેમ પ્લેબેક સિંગર છે.
ઉદિત નારાયણ નેપાળી ગાયિકા દીપા ગહતરાજ બંનેએ અનેક નેપાળી ફિલ્મો માટે ગીતો પણ ગાયા છે.જ્યારે રંજનાને બીજા લગ્નની ખબર પડી ત્યારે તેણે સૌ પ્રથમ સામાજિક સ્તરે પંચાયતની સલાહ લીધી.
Published On - 8:15 am, Sun, 16 February 25
