Game Changer box office collection day 5: 450 કરોડનું બજેટ, ફિલ્મે પાંચ દિવસમાં 100 કરોડની કમાણી કરી પરંતુ ડાયરેક્ટર નાખુશ છે, જાણો કારણ
સાઉથ સુપરસ્ટાર રામ ચરણની ફિલ્મ ગેમ ચેન્જર રિલીઝ થઈ ગઈ છે. આ ફિલ્મને 2025 ની પહેલી સૌથી મોટી ફિલ્મ કહી શકાય. આ ફિલ્મનું દિગ્દર્શન એસ શંકરે કર્યું છે. તો ચાલો જાણીએ ફિલ્મ ગેમ ચેન્જરનું 5માં દિવસનું બોક્સ ઓફિસ કલેક્શન કેટલું રહ્યું.
રામ ચરણની ફિલ્મ 'ગેમ ચેન્જર' 450 કરોડ રૂપિયાના ખર્ચે બની છે. આ ફિલ્મ દ્વારા કિયારા અડવાણી સાઉથમાં ડેબ્યૂ કર્યું છે. જોકે જ્યારે ફિલ્મ શરૂ થઈ ત્યારે 'ગેમ ચેન્જર'નું બજેટ એટલું વધારે નહોતું પણ જેમ જેમ શૂટિંગ આગળ વધતું ગયું તેમ તેમ તેનું બજેટ વધતું ગયું. ફિલ્મના ગીતો પર કરોડો રૂપિયા ખર્ચવામાં આવ્યા છે.
રામ ચરણની ફિલ્મ ગેમ ચેન્જરને લઈ હાલમાં ચર્ચા ચાલી રહી છે.પરંતુ 5 દિવસમાં જ સ્પષ્ટ થઈ ચૂક્યું છે કે, ફિલ્મ હિટ ગઈ કે ફ્લોપ. ભલે 5 દિવસમાં ફિલ્મે 100 કરોડ રુપિયાથી વધુ કલેક્શન કરી લીધું હોય પરંતુ આનાથી ડાયરેક્ટર શંકર ખુશ નથી.
રામ ચરણની ફિલ્મ ગેમ ચેન્જર ગત્ત અઠવાડિયે થિયેટરમાં રિલીઝ થઈ છે. ફિલ્મને લઈ ચાહકોમાં પણ ઉત્સાહ જોવા મળી રહ્યો હતો. આ ફિલ્મમાં રામ ચરણ અને કિયારા અડવાણીની જોડી જોવા મળી છે. જેને ચાહકોએ ખુબ પસંદ કરી છે.
10 જાન્યુઆરીએ સિનેમાઘરોમાં રિલીઝ થયેલી ગેમ ચેન્જરને મિશ્ર પ્રતિસાદ મળ્યો. જોકે તે અન્ય સાઉથની ફિલ્મો જેટલી સફળ રહી નથી, તે બોક્સ ઓફિસ પર સારી કમાણી કરી રહી છે.
ગેમ ચેન્જરના બોક્સ ઓફિસ કલેક્શનની વાત કરીએ તો સૈકનિલ્ક અનુસાર ફિલ્મે પહેલા દિવસે 51 કરોડનું કલેક્શન કર્યું હતુ. તો બીજા દિવસે 21.6 કરોડનું કલેક્શન રહ્યું હતુ. ત્રીજા દિવસની વાત કરીએ તો રામ ચરણની ગેમ ચેન્જરે હિન્દી બોક્સ ઓફિસ પર 8.1 કરોડ રુપિયાની કમાણી કરી હતી. તમામ ભાષામાં 15.9 કરોડનું કલેક્શન કર્યું છે.
હવે ફિલ્મ ગેમ ચેન્જર ફિલ્મનું સોમવારનું કલેક્શન ઓછું રહ્યું હતુ. માત્ર 7.65 કરોડનું કલેક્શન રહ્યું હતુ. હવે સતત ગેમ ચેન્જર ફિલ્મમાં સતત ઘટાડો જોવા મળી રહ્યો છે.
મકરસંક્રાંતિની રજા પછી પણ, ફિલ્મે પાંચમા દિવસે માત્ર 10.19 કરોડ રૂપિયાની કમાણી કરી છે.
ગેમ ચેન્જરે અત્યાર સુધીમાં બોક્સ ઓફિસ પર વિવિધ ભાષાઓમાં કુલ 106.65 કરોડ રૂપિયાની કમાણી કરી છે.ગેમ ચેન્જરની સફળતાથી ડાયરેક્ટર શંકર ખુશ નથી. તેમનું કહેવું છે કે, ફિલ્મ હજુ વધુ સારી કમાણી કરી શકતી હતી.
