હી મેન અને ડ્રીમ ગર્લના ઘરમાં નથી બધું બરાબર, ઈશા દેઓલના ડિવોર્સના સમાચારને લઈ મચ્યો હડકંપ
ધર્મેન્દ્ર અને હેમા માલિનીની પુત્રી ઇશા દેઓલ છેલ્લા કેટલાક દિવસોથી તેના અંગત જીવનમાં ચાલી રહેલા ગરબડને કારણે ચર્ચામાં છે. તાજેતરમાં, ઇન્ટરનેટ પર તેના અને ભરત તખ્તાનીના અલગ થવાના અહેવાલો આવ્યા હતા, પરંતુ બંનેમાંથી કોઈએ કોઈ પ્રતિક્રિયા આપી ન હતી. ફરી એકવાર ઇશા દેઓલ તેના લગ્ન જીવનને લઈને ચર્ચામાં છે. બોલિવૂડ વર્તુળોમાં એવી ચર્ચા છે કે એશા દેઓલ તેના પતિ ભરત તખ્તાનીથી અલગ થઈ ગઈ છે. સોશિયલ મીડિયા પર એવો પણ દાવો કરવામાં આવી રહ્યો છે કે ઈશા અને ભરત તખ્તાની વચ્ચે બધુ બરાબર નથી.
તાજેતરમાં, લગ્નના 12 વર્ષ પછી, ઇશા દેઓલ અને પતિ ભરત તખ્તાનીએ છૂટાછેડાની જાહેરાત કરી છે. નિવેદન અનુસાર, દંપતીએ કહ્યું કે અલગ થવું જરૂરી છે. એક મીડિયા અહેવાલ મુજબ જાહેર કરાયેલા નિવેદનમાં કહેવામાં આવ્યું છે કે, 'અમે સાથે મળીને અલગ થવાનો નિર્ણય કર્યો છે. અમારા જીવનમાં આ પરિવર્તન દ્વારા, અમારા બે બાળકોના સારા હિત માટે અત્યંત મહત્વનું છે અને રહેશે.
તમને જણાવી દઈએ કે ઈશા અને ભરત 6 વર્ષની દીકરી રાધ્યા અને 4 વર્ષની મિરાયાના માતા-પિતા છે. આ કપલે વર્ષ 2012માં લગ્ન કર્યા હતા અને લાંબા સમય સુધી તેમની વચ્ચે બધુ બરાબર ચાલી રહ્યું હતું પરંતુ હવે અચાનક જ બંનેએ અલગ થવાનો નિર્ણય કર્યો.
નોંધનીય છે કે ગયા વર્ષે જૂનમાં ઈશા અને ભરતે તેમના લગ્નની વર્ષગાંઠની ઉજવણી કરી હતી અને અભિનેત્રીએ પોતે સોશિયલ મીડિયા પર કેટલીક તસવીરો સાથે પતિને શુભેચ્છા પાઠવી હતી. તેણે કેપ્શનમાં લખ્યું, 'ભારત તખ્તાનીના લગ્નની 11મી વર્ષગાંઠની શુભકામનાઓ. જો કે, ગયા વર્ષે હેમા માલિનીના જન્મદિવસ પર ભરત જોવા મળ્યો ન હતો ત્યારે તેમના છૂટાછેડાની અટકળો શરૂ થઈ હતી.
ભરત અને ઈશાની મુલાકાત એક શાળા સ્પર્ધા દરમિયાન થઈ હતી. એક ઈન્ટરવ્યુમાં પોતાની લવ સ્ટોરી વિશે વાત કરતી વખતે ઈશાએ કહ્યું હતું કે, “હું જમનાબાઈ નરસી સ્કૂલમાં હતી અને ભરત બાંદ્રામાં લર્નર્સ એકેડમીમાં ભણતો હતો. લર્નર્સ એકેડમીમાં બધા હેન્ડસમ છોકરાઓ છે. અમે બંને કાસ્કેડ ઇન્ટર સ્કૂલ કોમ્પિટિશનમાં મળ્યા હતા. આ સ્પર્ધા મારી શાળા દ્વારા યોજાઇ હતી.
મીડિયા રિપોર્ટ્સ અનુસાર ઈશા અને ભરતે એક નોટ શેર કરીને આ જાણકારી આપી છે. જો અહેવાલો પર વિશ્વાસ કરવામાં આવે તો, તેમણે કહ્યું, 'અમે પરસ્પર સંમતિથી અલગ થવાનો નિર્ણય કર્યો છે. અમારા જીવનમાં આવેલા આ પરિવર્તન પછી અમારા બંને બાળકોનું હિત સૌથી મહત્વપૂર્ણ રહેશે.
Published On - 7:54 pm, Tue, 6 February 24