Alpha Starcast Fees: આલિયા ભટ્ટ, બોબી દેઓલ કે શર્વરી વાઘ – ‘આલ્ફા’ માટે સૌથી વધુ ફી કોને મળી?
બોલિવૂડ અભિનેત્રી Alia Bhatt હાલમાં પોતાની આગામી ફિલ્મ 'આલ્ફા' ને લઈને ચર્ચામાં છે. YRF Spy Universeનો ભાગ બનેલી આ ફિલ્મનું નિર્દેશન Shiv Rawail દ્વારા કરવામાં આવ્યું છે. 10 જૂને ફિલ્મનો ટીઝર રિલીઝ થયા બાદ ચાહકોમાં ફિલ્મને લઈને ઉત્સુકતા વધી ગઈ છે.
'આલ્ફા' YRF Spy Universeની પ્રથમ એવી ફિલ્મ છે, જેમાં મહિલા પાત્રને કેન્દ્રસ્થાને રાખવામાં આવ્યું છે. ફિલ્મમાં આલિયા ભટ્ટ સાથે Sharvari Wagh મહત્વપૂર્ણ ભૂમિકામાં જોવા મળશે, જ્યારે Bobby Deol પણ એક ખાસ રોલમાં નજર આવશે. ફિલ્મની સ્ટારકાસ્ટ જેટલી ચર્ચામાં છે, એટલી જ ચર્ચા તેમના મહેનતાણાંને લઈને પણ થઈ રહી છે.
અહેવાલો અનુસાર, શર્વરી વાઘે ફિલ્મ માટે આશરે ₹3 કરોડ ફી લીધી છે. કહેવાય છે કે ફિલ્મમાં તે પાકિસ્તાની જાસૂસની ભૂમિકા ભજવતી જોવા મળશે. સ્ટારકાસ્ટમાં તેની ફી સૌથી ઓછી હોવાનું જણાવવામાં આવી રહ્યું છે.
બીજી તરફ, બોબી દેઓલે ફિલ્મ માટે આશરે ₹6 કરોડ ચાર્જ કર્યા હોવાનું કહેવાય છે. ફિલ્મમાં તે આલિયા ભટ્ટના પિતાની ભૂમિકા ભજવશે. સાથે જ, એક ખાસ મિશન માટે તેને તાલીમ આપતા પણ જોવા મળશે, જેના કારણે તેમનું પાત્ર ફિલ્મમાં મહત્વપૂર્ણ માનવામાં આવી રહ્યું છે.
હવે વાત કરીએ ફિલ્મની મુખ્ય અભિનેત્રી આલિયા ભટ્ટની. મીડિયા રિપોર્ટ્સ મુજબ, આલિયાએ 'આલ્ફા' માટે આશરે ₹25 થી ₹30 કરોડ ફી લીધી છે. જો આ આંકડા સાચા હોય, તો ફિલ્મના કુલ બજેટનો મોટો હિસ્સો માત્ર તેમની ફી પાછળ ખર્ચાયો છે.
અહેવાલો મુજબ, 'આલ્ફા'નું અંદાજિત બજેટ લગભગ ₹80 કરોડ છે. આ સ્થિતિમાં આલિયા ભટ્ટ ફિલ્મની સૌથી વધુ ફી મેળવનારી કલાકાર બની જાય છે, જ્યારે બોબી દેઓલ બીજા અને શર્વરી વાઘ ત્રીજા ક્રમે આવે છે.
ફિલ્મને લઈને ચાહકોમાં ભારે ઉત્સાહ જોવા મળી રહ્યો છે. એક્શન અને સ્પાય થ્રિલરથી ભરપૂર 'આલ્ફા' YRF Spy Universeમાં એક નવી દિશા આપશે તેવી અપેક્ષા છે. ફિલ્મ 2025માં સિનેમાઘરોમાં રિલીઝ થવાની છે અને હવે દર્શકો તેની વધુ ઝલક જોવા આતુર છે.
