જયાપ્રદાનો જન્મ આંધ્ર પ્રદેશના રાજમુંદરીમાં એક તેલુગુ પરિવારમાં લલિતા રાણી રાવ તરીકે થયો હતો. તેના પિતા કૃષ્ણા રાવ તેલુગુ ફિલ્મમાં સક્રિય હતા. તેની માતા નીલવાની એક ગૃહિણી હતી.
જયા પ્રદાની પર્સનલ લાઈફ ખુબ ઉતાર-ચઢાવ ભરી રહી છે. વર્ષ 1984માં બોલિવુડમાં પગ રાખ્યો હતો. 1988 સુધી તે ફિલ્મોમાં લીડ અભિનેત્રીનો રોલ પ્લે કરતી હતી. જયા પ્રદા ક્યારે પણ મા બની શકી નહિ. તેમણે બહેનના પુત્રને દત્તક લીધો હતો. જ્યાનો પુત્ર સિદ્ધુ સાઉથ ફિલ્મોમાં કામ કરી રહ્યો છે.
લલિતા રાવ એટલે કે, જયાપ્રદાએ રાજમુંદરીની એક તેલુગુ સ્કુલમાં અભ્યાસ કર્યો અને નાની ઉંમરમાં સંગીત ક્ષેત્ર નામ કમાયું હતુ. આજ સુધીમાં તેણે 30 વર્ષની ફિલ્મ કારકિર્દી દરમિયાન આઠ ભાષાઓમાં અભિનય કર્યો છે અને 300થી વધુ ફિલ્મોમાં કામ કર્યું છે.
જયા પ્રદાનું અસલી નામ લલિતા રાની હતું પરંતુ ફિલ્મી કરિયર શરૂ કરતા પહેલા તેણે પોતાનું નામ બદલીને જયા પ્રદા રાખ્યું હતું. 3 મિનિટના ડાન્સિંગ શૂટ માટે જયા પ્રદાને 10 રુપિયા મળ્યા હતા.
જયાપ્રદા દક્ષિણના ત્રણ ફિલ્મફેર પુરસ્કારોના પ્રાપ્તકર્તા છે અને તેણે ઘણી કન્નડ, તમિલ, મલયાલમ, બંગાળી અને મરાઠી ફિલ્મો સાથે ઘણી તેલુગુ અને હિન્દી ફિલ્મોમાં અભિનય કર્યો છે. તેની કારકિર્દીની ટોચ પર બોલિવુડ છોડી દીધું કારણ કે તેણી 1994 માં તેલુગુ દેશમ પાર્ટી (ટીડીપી) માં જોડાઈ અને રાજકારણમાં પ્રવેશી. તે 2004 થી 2014 સુધી ઉત્તર પ્રદેશના રામપુરથી સંસદસભ્ય (MP) હતી.
અનેક લોકો તેને બોલિવુડની અત્યાર સુધીની સૌથી સુંદર ચેહરો માનતા હતા. જેમાં સત્યજીત રે પણ સામેલ છે. તેમણે ભારતીય સ્ક્રિન પર સૌથી સુંદર ચેહરો કહ્યો હતો.
22 ફેબ્રુઆરી 1986ના રોજ નિર્માતા શ્રીકાંત નાહટા સાથે લગ્ન કર્યા હતા. જેના બીજા લગ્ન હતા અને તેને 2 બાળકો પણ હતા. આ લગ્ન ખુબ વિવાદમાં રહ્યા હતા કારણ કે, નાહટાએ તેની પત્નીને છુટાછેડા આપ્યા ન હતા અને જયા પ્રદા સાથે લગ્ન કર્યા હતા.
જયાપ્રદા 1994માં વિધાનસભા ચૂંટણીની પૂર્વસંધ્યાએ તેના સ્થાપક એનટી રામારાવના આમંત્રણ પર તેલુગુ દેશમ પાર્ટી (ટીડીપી) માં જોડાઈ હતી. ત્યારબાદ તે 10 માર્ચ 2014ના રોજ અમર સિંહ સાથે આરએલડીમાં જોડાઈ હતી. અંતે 26 માર્ચ 2019ના રોજ રાષ્ટ્રીય મહાસચિવ ભૂપેન્દ્ર યાદવની ઉપસ્થિતિમાં ભારતીય જનતા પાર્ટીમાં સામેલ થઈ હતી.
અભિનેત્રી જયાપ્રદા વિરુદ્ધ રામપુરની સાંસદ-ધારાસભ્ય કોર્ટમાં બે કેસ ચાલી રહ્યા છે. જેને લઈને અભિનેત્રી વિરુદ્ધ બિનજામીનપાત્ર વોરંટ જાહેર કર્યું છે. આ 7મી વખત છે જ્યારે પોલીસે અભિનેત્રી વિરુદ્ધ વોરંટ જાહેર કર્યું છે.