Chanakya Niti : પહેલગામની ઘટનાની જેમ દેશ પર હુમલો થાય તો નાગરિકે શુ કરવુ ? ચાણક્યએ જણાવ્યુ
તાજેતરમાં જમ્મુ-કાશ્મીરના પહેલગામમાં થયેલા હુમલાએ સમગ્ર દેશમાં ચકચાર મચાવી દીધી છે. પાકિસ્તાનની આ હરકતથી દેશમાં રોષ છે. ત્યારે વર્ષો પહેલા જ આચાર્ય ચાણક્યએ આવી ઘટના બને તો શું કરવુ તે અંગે ચાણક્ય નીતિમાં જણાવ્યુ છે.
આચાર્ય ચાણક્યએ કહ્યું છે કે દુષ્ટ લોકો અને કાંટા એક જ છે. તેમને દૂર કરવા માટે કાં તો તેમને કચડી નાખો અથવા તેમનાથી દૂર જાઓ. તેમની સાથે કોઈપણ પ્રકારનો સંબંધ કે જોડાણ રાખવું તમારા માટે નુકસાનકારક સાબિત થઈ શકે છે. તો હુમલા પછીની પરિસ્થિતિ અનુસાર, આતંકવાદીઓ જેવા દુષ્ટ કાંટાને પણ કચડી નાખવા જોઈએ.
ચાણક્ય આપણને તેમની નીતિમાં કહે છે કે જે આપણું ભલું કરે છે તેમનું ભલું કરવું જોઈએ, હિંસક લોકો સામે બદલો લેવો જોઈએ અને દુષ્ટ લોકોનું ખરાબ કરવું જોઈએ. આમાં કોઈ દોષ નથી. જો આપણે આ શ્લોકને પહેલગામ આતંકવાદી હુમલાના સંદર્ભમાં જોઈએ તો આતંકવાદીઓની હિંસા, હત્યા અને ક્રૂરતાનો જવાબ એ જ રીતે આપવો જોઈએ.
ચાણક્ય કહે છે કે વ્યક્તિએ ખૂબ સીધો અને સરળ ન હોવો જોઈએ. કારણ કે જંગલમાં સીધા ઉભા રહેલા વૃક્ષો કાપવામાં આવે છે. જ્યારે કુટિલ લોકોને બાજુ પર છોડી દેવામાં આવે છે. આનો અર્થ એ થયો કે કોઈ પણ વ્યક્તિ સરળતાથી નિર્દોષ વ્યક્તિનો અન્યાયી લાભ લઈ શકે છે. પરંતુ જે વ્યક્તિ હોશિયાર અને ચાલાક હોય છે, તે આવનારા ભયનો અંદાજ અગાઉથી લગાવી લે છે.
(નોંધ: આ લેખમાં આપેલી માહિતી અને ઉકેલો સામાન્ય સમજ પર આધારિત છે. અમે આને સમર્થન આપતા નથી.)
Published On - 2:55 pm, Sat, 26 April 25
