
જાહ્નવી કપૂરના ઘરના એક ખૂણામાં આવેલા ઊંચા કાચના દરવાજા અને સફેદ પડદા ઘરને કુદરતી પ્રકાશ આપે છે. બહારની હરિયાળીનો સુંદર નજારો આ જગ્યાને વધુ આકર્ષક બનાવે છે. અહીં રાખેલી સ્ટાઇલિશ લાઉન્જ ચેર અને મેટાલિક સાઇડ ટેબલ સાથેનો ખૂણો થોડો સમય શાંતિથી બેસવા કે પુસ્તક વાંચવા માટે એકદમ પરફેક્ટ લાગે છે. (Image Source | @GlamBlitzz)

જાહ્નવીના ઘરનો ડાઇનિંગ એરિયા પણ એટલો જ ખાસ છે. ચમકતા ક્રિસ્ટલ ઝુમ્મર નીચે ગોઠવાયેલું લાકડાનું મોટું ડાઇનિંગ ટેબલ અને તેની સાથેની સોફ્ટ ટીલ રંગની ખુરશીઓ આખી જગ્યાને ક્લાસી લુક આપે છે. અહીંથી લિવિંગ એરિયા પણ સ્પષ્ટ દેખાય છે. જ્યાં મોટી બારીઓ અને સુંદર વોલ આર્ટ ઘરની શોભામાં વધારો કરે છે. (Image Source | @GlamBlitzz)

મુખ્ય લિવિંગ રૂમની વાત કરીએ તો અહીં સફેદ દિવાલો, સુંદર પગથિયાં અને પેટર્નવાળી ગાદી એકદમ ભવ્ય માહોલ ઊભો કરે છે. રૂમમાં આવેલી રંગબેરંગી કલાકૃતિઓ અને સજાવટ તેને એક અલગ ઓળખ આપે છે. આખી જગ્યા એટલી ખુલ્લી અને પ્રકાશથી ભરપૂર છે કે જાણે કોઈ સુંદર આર્ટ ગેલેરીમાં આવી ગયા હોઈએ. (Image Source | @GlamBlitzz)

ઘરના બીજા લાઉન્જ એરિયામાં ફ્લોરથી લઈને છત સુધીના લાંબા પડદા છે, જેની પાછળ કાચની બારીમાંથી ટેરેસ અને બહારના બેઠક વિસ્તારનો સુંદર નજારો જોવા મળે છે. શણગાર માટે રાખેલા વાઝ, ગોઠવેલાં પુસ્તકો અને આરામદાયક બેઠક વ્યવસ્થા આ જગ્યાને સાદી છતાં ખૂબ જ આકર્ષક બનાવે છે. (Image Source | @GlamBlitzz)

લિવિંગ એરિયાના બીજા ભાગમાં ટેન રંગની ખુરશીઓ, હળવા રંગના સોફા અને ટેબલ લેમ્પ્સનું સુંદર કોમ્બિનેશન જોવા મળે છે. દિવાલ પર લગાવેલા ત્રણ અલગ ડિઝાઇનના મિરર્સ આ જગ્યાને વધુ સ્ટાઇલિશ બનાવે છે. મોટી બારીઓમાંથી અંદર આવતો કુદરતી પ્રકાશ આખા ઘરમાં એક હૂંફાળો અને પોઝિટિવ માહોલ ઊભો કરે છે. (Image Source | @GlamBlitzz)

કુલ મળીને, જાહ્નવી કપૂરનું ઘર લક્ઝરી અને સાદગીનું સુંદર મિશ્રણ છે. અહીં દરેક ખૂણામાં સુંદરતા તો છે જ, પરંતુ તેની સાથે આરામ અને શાંતિને પણ એટલું જ મહત્ત્વ આપવામાં આવ્યું છે. (Image Source | @GlamBlitzz)

નોંધ: જાહ્નવી કપૂરના ઘરની આ વીડિયો ક્લિપ YouTube પર @GlamBlitzz દ્વારા શેર કરવામાં આવી છે. TV9 ગુજરાતી આ વીડિયોની સ્વતંત્ર રીતે પુષ્ટિ કરતું નથી.
Published On - 9:57 am, Fri, 20 November 26