Budget 2025 : MSME ક્ષેત્રને આત્મનિર્ભર બનાવવાનો સરકારનો ઉદ્દેશ્ય, કરી મોટી જાહેરાત
બજેટ 2025 માં MSME (માઈક્રો, સ્મોલ અને મેડિયમ એન્ટરપ્રાઈઝ) ક્ષેત્ર માટે કેટલીક મહત્વપૂર્ણ જાહેરાતો કરવામાં આવી છે, જે નાના અને મધ્યમ ધંધાઓ માટે વિકાસની નવી દિશા ખોલે છે.
નિકાસકારો માટે ખાસ મુદત લોન અને ક્રેડિટ વિસ્તરણ યોજના હેઠળ MSMEsને વૈશ્વિક સપ્લાય ચેઈન સાથે જોડવા માટે સહાય પૂરી પાડવામાં આવશે. ભારતટ્રેડનેટ (BTN) નામનું ડિજિટલ પબ્લિક ઈન્ફ્રાસ્ટ્રક્ચર શરૂ કરવામાં આવશે, જે વેપાર દસ્તાવેજીકરણ અને નાણાકીય ઉકેલોને સરળ બનાવશે.
MSMEsને ₹1.5 લાખ કરોડની વધારાની ક્રેડિટ સુવિધા મળશે. 5 લાખની મર્યાદાવાળા MSME ક્રેડિટ કાર્ડ લોન્ચ કરવામાં આવશે. 5 લાખ SC/ST અને મહિલા ઉદ્યોગસાહસિકોને ₹2 કરોડ સુધીની લોન મળશે. લેધર, ફૂટવેર અને લેબર ઈન્ટેનસીવ સેક્ટરમાં 22 લાખ નવી નોકરીઓ ઊભી થશે. ભારતટ્રેડનેટ દ્વારા MSMEને નિકાસમાં સહાય મળશે.
સૂક્ષ્મ અને નાના ઉદ્યોગો માટે ક્રેડિટ ગેરંટી કવર ₹5 કરોડથી વધારીને ₹10 કરોડ કરવામાં આવ્યું, આગામી 5 વર્ષમાં ₹1.5 લાખ કરોડનું વધારાનું ધિરાણ ઉપલબ્ધ કરાવવામાં આવશે, સ્ટાર્ટઅપ્સ માટે ગેરંટી કવરેજ ₹10 કરોડથી વધારીને ₹20 કરોડ કરવામાં આવ્યું અને 27 મહત્વપૂર્ણ ક્ષેત્રો માટે ગેરંટી ફી 1% સુધી મર્યાદિત કરવામાં આવી. સારી કામગીરી કરતા નિકાસ કરતા MSME માટે ટર્મ લોન મર્યાદા વધારીને ₹20 કરોડ કરવામાં આવી
