Breaking News : ઇતિહાસ રચવાની તક, શું અભિષેક શર્મા સૂર્યકુમાર યાદવનો વર્લ્ડ રેકોર્ડ તોડી શકશે?
ભારત અને વેસ્ટઈન્ડિઝ વચ્ચે બીજી ટી20 મેચ રાંચીમાં 9 ઓક્ટોમ્બરના રોજ રમાશે. આ મેચમાં અભિષેક શર્માની પાસે સૂર્યકુમાર યાદવનો એક વર્લ્ડ રેકોર્ડ તોડવાની તક છે. રેકોર્ડ પૂર્ણ કરવા માટે હવે માત્ર 53 રનની જરુર છે.
ભારત અને વેસ્ટઈન્ડિઝ વચ્ચે ટી20 સીરિઝની બીજી મેચ આજે રાંચીના JSCA ઈન્ટરનેશનલ સ્ટેડિયમમાં રમાશે. આ મેચમાં ભારતીય ટીમના તોફાની બેટ્સમેન અભિષેક શર્માની પાસે એક નવો ઈતિહાસ રચવાની તક છે.
તે વેસ્ટઈન્ડિઝ વિરુદ્ધ બીજી ટી20 મેચમાં એક મોટો રેકોર્ડ બનાવવાની ખુબ નજીક છે. ચાહકોની નજર આ મેચ પર રહેશે.
અભિષેક શર્માને ટી20 ઈન્ટરનેશનલમાં પોતાના 2000 રન પુરા કરવા માટે હવે માત્ર 53 રનની જરુર છે. જો તે આ મેચમાં 53 રન બનાવે છે. તો તે સૂર્યકુમાર યાદવનો એક મોટો વર્લ્ડ રેકોર્ડ તોડી શકે છે.
સૂર્યકુમાર યાદવના નામે ટી20 ઈન્ટરનેશનલમાં સૌથી ઓછા બોલમાં 2000 રન બનાવવાનો વર્લ્ડ રેકોર્ડ છે. તેમણે આ રેકોર્ડ માત્ર 1164 બોલમાં પૂર્ણ કર્યો હતો. હવે અભિષેક શર્મા પણ રેકોર્ડ તોડવાની નજીક છે. અભિષેક શર્માએ અત્યારસુધી 997 બોલમાં 1947 રન બનાવ્યા છે.
તેમને 2000 રન પુરા કરવા માટે માત્ર 53 રનની જરુર છે. જો તે 167 બોલની અંદર 53 રન બનાવી લે છે. તો સૂર્યકુમારના રેકોર્ડની બરાબરી કરી લેશે. પરંતુ સૂર્યકુમાર યાદવનો વર્લ્ડ રેકોર્ડ તોડવો અને નવો ઈતિહાસ રચવા માટે અભિષેક શર્માને 53 રન 166 બોલમાં બનાવવા પડશે.
અભિષેક શર્મા પોતાની આક્રમક બેટિંગ અને તાબડતોડ અંદાજ માટે જાણીતો છે. ટી20 ઈન્ટરનેશનલમાં તેનો સ્ટ્રાઈક રેટ 195.29નો રહ્યો છે. તેમણે માત્ર 997 બોલમાં 1947 રન બનાવ્યા છે. આ દરમિયાન તે 135 સિક્સ ફટકારી ચૂક્યો છે. અફઘાનિસ્તાન સામે માત્ર 30 બોલમાં સદી ફટકારી હતી.
જે કોઈ પણ ભારતીય બેટ્સમેન દ્વારા બનાવેલ સૌથી ફાસ્ટ ટી20 સદી છે. જો તે 53 રન વધુ બનાવે છે. તો આ રેકોર્ડ પોતાને નામ કરશે. (ALL Photo: PTI)
